ମୁମ୍ବାଇ:ଶାରଦୀୟ ଦୁର୍ଗା ପୂଜା ପରେ ଆସୁଛି ଦୀପାବଳି ଆଉ କାଳିପୂଜା । ପୁଣି ପାର୍ବାଣର ଧୂନରେ ଜମିବ ଆସର । ଗାଁ ଗଳି କନ୍ଦିରୁ ସହରର ସାହି ଛକ ବଜାର ଫାଟି ପଡିବ ଲୋକଙ୍କ ଗହଳିରେ । ନୂଆ କପଡା ସାଙ୍ଗକୁ ପିଠା ମିଠାରେ ପୁରି ଉଠିବ ଘର । ଆଉ ଆଲୋକର ପର୍ବ ଦୀପାବଳିରେ ରଙ୍ଗ ବେରଙ୍ଗରେ ଆଲୋକମାଳାରେ ଝଲସିବ ଘରଠୁ ସହର । ବାଣ ଫୁଟିବ ସାଙ୍ଗ ସାଥୀଙ୍କ ଆସର ଜମିବ । ହେଲେ ପାର୍ବଣର ପ୍ରବେଶ ପୂର୍ବରୁ ସଭିଙ୍କ ମନରେ ଥାଏ ଗୋଟିଏ ଟେନସନ୍ । ସେ ହେଲା ଟଙ୍କା ଆଉ ଟଙ୍କା । ପାର୍ବଣ ଖର୍ଚ୍ଚ ପାଇଁ କାହାକୁ ଅପେକ୍ଷା କରିବାକୁ ପଡେ ପରିବାର ଲୋକଙ୍କ ଉପରେ, କାହାକୁ ଅପେକ୍ଷା କରିବାକୁ ପଡେ ଦରମା ତ କାହାକୁ ଅପେକ୍ଷା କରିବାକୁ ପଡେ ବୋନସ୍ ଉପରେ । କିନ୍ତୁ ମହାରାଷ୍ଟ୍ରର ସାଙ୍ଗଲୀ ଜିଲ୍ଲାର କିଛି ଲୋକଙ୍କୁ ଏମିତି ଦୀପାବଳି ଖର୍ଚ୍ଚ ମିଳିଛି ଆପଣଙ୍କ ଜାଣିଲେ ଆଚମ୍ବିତ ହୋଇ ପଡିବେ ।
ମହାରାଷ୍ଟ୍ରର ସାଙ୍ଗଲୀ ଜିଲ୍ଲାର ଅଟପାଡିରେ ଡ୍ରେନରେ ପାଣି ଭଳି ବହିଯାଉଥିଲା ଲକ୍ଷ ଲକ୍ଷ ଟଙ୍କା । ସେ ପୁଣି ଖାଲି 500 ଟଙ୍କିଆ ବଣ୍ଡଲ ବଣ୍ଡଲ ନୋଟ୍ । ଭାସି ଯାଉଥିବା ନୋଟ୍ ନେବାକୁ ବହୁ ସଂଖ୍ୟାରେ ଲୋକଙ୍କ ଭିଡ ଲାଗିଥିଲା । ଲୋକଙ୍କ ମଧ୍ୟରେ ବହୁତ ଉତ୍ସାହ ଥିଲା । ଶନିବାର ସାପ୍ତାହିକ ବଜାରକୁ ଆସିଥିବା ଲୋକମାନେ ଦେଖିଲେ ଯେ ଡ୍ରେନରେ 500 ଟଙ୍କା ନୋଟ୍ ପ୍ରବାହିତ ହେଉଛି । ଏହା ପରେ ଲୋକମାନେ ନୋଟ୍ ଧରିବା ପାଇଁ ଡ୍ରେନ୍ ଭିତରକୁ ଡେଇଁଲେ । ଅନୁମାନ କରାଯାଉଛି ଯେ ଲୋକମାନେ ନଦୀରୁ ପ୍ରାୟ ଅଢେଇ ଲକ୍ଷ ଟଙ୍କା ସଂଗ୍ରହ କରିଛନ୍ତି।
ଏହା ବି ପଢନ୍ତୁ- ୱାସିଂ ମେସିନ ଭିତରୁ ବାହାରିଲା ୨.୫ କୋଟି ଟଙ୍କା - Cash in Washing Machine