दुचाकीला ट्रकने धडक दिल्यानं इंजिनीअरिंगच्या दोन विद्यार्थ्यांचा मृत्यू; ट्रक चालकाला अटक

Pune Accident पुणे -कल्याणीनगरमधील अपघातानंतर पुणे शहरात पुन्हा एकदा भीषण अपघात घडलाय. ट्रकनं धडक दिल्यानं मोटारसायकलवरून जाणाऱ्या इंजिनीअरिंगच्या दोन विद्यार्थ्यांचा मृत्यू झाल्याची माहिती पोलिसांनी दिलीय. हा अपघात पुणे-अहमदनगर रस्त्यावरील चंदन नगर परिसरात सोमवारी रात्री 10.30 वाजता घडला. ट्रकनं दुचाकीला धडक दिल्यानंतर चालकानं पळून जाण्याचा प्रयत्न केला. स्थानिकांनी त्याला पकडल्यानंतर दोन्ही विद्यार्थी अभियांत्रिकी महाविद्यालयात शिकत होते. ते मूळ गावी लातूरला जाण्यासाठी पुणे रेल्वे स्टेशनला जात असताना हा अपघात घडला. विमलताल पोलीस ठाण्याचे निरीक्षक आनंद गोबरे यांनी म्हटलं, ट्रकनं दुचाकीला पाठीमागून धडक दिली. एका तरुणाचा जागीच मृत्यू झाला. तर दुसऱ्या तरुणाचा रुग्णालयात उपचारादरम्यान मृत्यू झाला.