संविधानाबद्दल राहुल गांधींची अनास्था पाहायला मिळाली; देवेंद्र फडणवीस यांचा आरोप - MAHARASHTRA ASSEMBLY ELECTION 2024

नागपूर : काँग्रेस नेते राहुल गांधी यांनी बुधवारी नागपूर येथे आयोजित 'संविधान सन्मान संमेलनात' केलेल्या भाषणावर उपमुख्यमंत्री देवेंद्र फडणवीस यांनी टीका केली. एकूणच भारताच्या संविधानाबद्दल राहुल गांधींची अनास्था बुधवारी पाहायला मिळाल्याचा आरोप, देवेंद्र फडणवीस यांनी केलाय. ते पुढे म्हणाले की, माझा आरोप खरा ठरलाय, लाल पुस्तक हातात घेऊन राहुल गांधी संविधानाचा गौरव करू इच्छित नाही तर त्यांच्यासोबत असलेल्या अर्बन नक्षलसोबत असलेले फुटीरतावादी आहेत. त्यांना एक प्रकारचा इशारा देण्याकरता, त्यांची मदत घेण्याकरता ते नाटक आणि नौटंकी करत आहेत. संविधानाचा रोज ते अवमान करत आहेत. आजपर्यंत काँग्रेसने डॉ. बाबासाहेब आंबेडकरांचा आणि संविधानाचा अवमान केलाय, आता त्यांच्या या नौटंकीला कोणीच भुलणार नाही. फडणवीस नागपूर विमानतळावर बोलत होते.