टाटा कर्व्ह आयसीई, मारुती डिझायरसह 'या' 6 कार पुढील महिन्यात होणार लॉन्च - NEW CAR LAUNCHES IN SEP 2024

NEW CAR LAUNCHES IN SEP 2024 : यंदाचा सणांसाठी कार उत्पादक कंपन्यांनी तयारी सुरू केली आहे. पुढील महिन्यात कार कंपन्या त्यांची अनेक उत्पादनं बाजारात आणणार आहेत. यामध्ये प्रामुख्यानं टाटा मोटर्स, एमजी मोटर, ह्युंदाई मोटर या कंपन्यांचा समावेश आहे.

हैदराबादNEW CAR LAUNCHES IN SEP 2024 : यंदाचा सणासुदीचा हंगाम अवघ्या काही दिवसांवर आला असून, सणासुदीच्या काळात प्रत्येकजण आपल्या घरात काहीतरी नवीन आणण्याचा विचार करतो. हे लक्षात घेऊन कार उत्पादक कंपन्या आपली काही नवीन उत्पादनं बाजारात आणण्याच्या तयारीत आहेत. काही कार कंपन्या नवीन उत्पादनं लाँच करत आहेत, तर काही कंपन्या त्यांच्या सध्याच्या उत्पादनांना फेसलिफ्ट अपग्रेड करणार आहेत. चला तर मग एक नजर टाकूया सप्टेंबर 2024 मध्ये लॉन्च होणाऱ्या नवीन कार्सवर...

1. Tata Curvv ICE : देशांतर्गत कार उत्पादक टाटा मोटर्सनं या महिन्याच्या सुरुवातीला बाजारात आपली नवीन कूप SUV Tata Curvv EV लाँच केली होती. कंपनी 2 सप्टेंबर रोजी त्याची ICE आवृत्ती लॉन्च करणार आहे. लॉन्चसोबतच त्याची किंमतही समोर येणार आहे. नवीन Curvv कंपनीच्या नवीन EV-प्रथम धोरणाचा भाग आहे. ज्या अंतर्गत त्यांची EV आवृत्ती पूर्वी लाँच करण्यात आली होती.

Tata Curvv ICE : ICE आवृत्तीमधील इंजिनबद्दल बोलायचं झाल्यास, 1.2-लीटर टर्बो-पेट्रोल, 1.2-लीटर TGDi टर्बो-पेट्रोल आणि 1.5-लीटर डिझेल इंजिनचा पर्याय ग्राहकांना दिला जाऊ शकतो. यात सर्व इंजिन 6-स्पीड मॅन्युअल आणि 7-स्पीड DCA गिअरबॉक्ससह जोडलं जाणार आहे. Tata Curvv ही भारतीय बाजारपेठेतील डिझेल-डीसीटी कॉम्बो असलेली पहिली कार असेल.

2. Hyundai Alcazar फेसलिफ्ट : पुढील महिन्यात, फेसलिफ्टेड Hyundai Alcazar देखील भारतीय बाजारपेठेत लॉन्च केली जाईल. यासोबतच कंपनीनं या एसयूव्हीची बुकिंगही सुरू केली असून कार 25,000 रुपयांमध्ये बुक केली जाऊ शकते. मिळालेल्या माहितीनुसार, Hyundai ची ही नवीन SUV 9 सप्टेंबरला रिलीज होणार आहे. बाहेरील मोठ्या बदलांव्यतिरिक्त, 2024 Hyundai Alcazar ला दोन मोठ्या स्क्रीन्स, ADAS सूट, नवीन अपहोल्स्ट्री आणि इतर गोष्टी मिळणार आहे. तथापि, पॉवरट्रेनमध्ये कोणताही बदल करण्यात आलेला नाही. 1.5-लिटर टर्बो-पेट्रोल आणि डिझेल इंजिनसह कार मार्केटमध्ये येणार आहे. यात 6-स्पीड मॅन्युअल, 7-स्पीड डीसीटी आणि 6-स्पीड टॉर्क कन्व्हर्टर ऑटोमॅटिक गिअरबॉक्स असेल.

3. मर्सिडीज-मेबॅक EQS :लक्झरी कार उत्पादक Mercedes-Maybach 5 सप्टेंबर रोजी नवीन Mercedes-Maybach EQS लाँच करणार आहे. ही फ्लॅगशिप इलेक्ट्रिक एसयूव्ही गेल्या वर्षी चीनमध्ये पहिल्यांदा प्रदर्शित झाली होती. मेबॅक-विशिष्ट इन्सर्ट्स आणि ग्राफिक्ससह इंटिरिअरची EQS SUV नवी थीम ग्राहकांना यात पहायला मिळेल. दुसऱ्या रांगेत MBUX टॅबलेट आणि मागील सीटच्या प्रवाशांसाठी दोन 11.6-इंच स्क्रीन असणार आहेत. या कारला 108.4kWh बॅटरी पॅकमधून पॉवर मिळेल, जे त्याच्या ड्युअल मोटर सेटअपला पॉवर देईल.

4. टाटा नेक्सॉन सीएनजी :टाटा मोटर्स पुढील महिन्यात, आपल्या Curvv ची ICE आवृत्ती बाजारात आणणार आहे. तर दुसरीकडं ती कॉम्पॅक्ट SUV Tata Nexon ची CNG आवृत्ती देखील लॉन्च करणार आहे. नेक्सॉन सीएनजी या वर्षाच्या सुरुवातीला भारत मोबिलिटी एक्स्पोमध्ये प्रदर्शित करण्यात आली होती. जी भारतातील पहिली टर्बो-पेट्रोल-सीएनजी कार बनणार आहे.

टाटा नेक्सॉन सीएनजी :विविध मोडमध्ये लॉंच करण्यात येणार आहे. ड्युअल सीएनजी सिलिंडर टाकी असलेली ही कार मॅन्युअल आणि एएमटी ट्रान्समिशनसह येईल. लॉन्च झाल्यानंतर, कारमध्ये पेट्रोल, डिझेल, सीएनजी आणि ईव्हीसह विस्तृत पॉवरट्रेन पर्याय असतील.

5. एमजी विंडसर ईव्ही :MG मोटर पुढील महिन्यात इलेक्ट्रिक कार MG Windsor EV लाँच करणार आहे. कंपनी CUV (क्रॉसओव्हर युटिलिटी व्हेईकल) म्हणून प्रमोट करत आहे. मुळात, ही आंतरराष्ट्रीय बाजारात विकली जाणारी Wuling Cloud EV ची री-बॅज केलेली आवृत्ती आहे. जी भारतात 11 सप्टेंबर रोजी लॉन्च केली जाईल. अलीकडंच MG Motor नं JSW सोबत करार केला आहे. MG नं आतापर्यंत या कारचं अनेक वेळा टीझर रिलीज केलं आहे. यात एलईडी लाइट बार, पॅनोरॅमिक सनरूफ, स्टीयरिंग व्हील, मागील-सीट पॅकेज यासारख्या प्रमुख वैशिष्ट्यांसह सुसज्ज आहे. जागतिक स्तरावर, कार दोन बॅटरी पॅक पर्यायांसह ऑफर केली जाते. भारतात तिचं वैशिष्ट्य काय असेल, हे माहित नाही. तथापि, ही कार एकदा पूर्ण चार्ज केल्यानंतर 460 किमीपर्यंतची रेंज देऊ शकते.

6. नवीन मारुती डिझायर :देशातील सर्वात मोठी कार निर्माता कंपनी मारुती सुझुकीनं मे 2024 मध्ये स्विफ्टचे 4थ्या-जनरेशनचं मॉडेल लाँच केलं होतं. त्यानंतर कंपनी लवकरच कॉम्पॅक्ट सेडान मारुती डिझायरचं नवीन जनरेशन मॉडेल लॉन्च करेल, असा निर्णय घेण्यात आला. कंपनी पुढच्या महिन्यात बाजारात नेक्स्ट-जनरल डिझायर लाँच करू शकते. Hyundai Aura, Honda Amaze आणि Tata Tigor या सेगमेंटमध्ये आधीच विक्रीसाठी उपलब्ध आहेत. मारूती Dzire मध्ये इलेक्ट्रिक सनरूफ, अपडेटेड स्विफ्टच्या अनुषंगानं नवीन डिझाइन आणि बरेच काही मिळेल. हे नवीन मॉडेल 1.2-लीटर, Z12E पेट्रोल इंजिनसह लॉंच केलं जाईल.

'हे' वाचलंत का :