हैदराबाद : नॅशनल टेस्टिंग एजन्सी (NTA) नं पोस्ट ग्रॅज्युएट (CUET PG) 2025 साठी सामायिक विद्यापीठ प्रवेश परीक्षेसाठी नोंदणी सुरू केलीय. पात्र आणि इच्छुक उमेदवार 1 फेब्रुवारी 2025 पर्यंत त्यांचे अर्ज सबमिट करू शकतात. अधिकृत अधिसूचनेनुसार, परीक्षेची तारीख CUET PG साठी 13 ते 31 मार्च 2025 दरम्यान आहे.
157 पीजी अभ्यासक्रमांना प्रवेश :CUET PG 2025 परीक्षेत यशस्वी झालेले उमेदवार 157 पीजी अभ्यासक्रमांना प्रवेश घेऊ शकतात. डीयू, जेएनयू आणि बीएचयूसह विविध केंद्रीय विद्यापीठे आणि राज्य विद्यापीठांमध्ये प्रवेश उपलब्ध असतील. NTA तर्फे दरवर्षी ही परीक्षा आयोजित केली जाते. अधिक माहितीसाठी, उमेदवार राष्ट्रीय परीक्षा एजन्सीनं जारी केलेली अधिसूचना तपासू शकतात. 2022 पासून, शिक्षण मंत्रालय आणि विद्यापीठ अनुदान आयोगानं (UGC) केंद्रीय विद्यापीठे आणि इतर सहभागी संस्था, संस्थांद्वारे ऑफर केलेल्या पदव्युत्तर कार्यक्रमांमध्ये प्रवेशासाठी सामायिक विद्यापीठ प्रवेश परीक्षा (CUET) आयोजित करण्याची जबाबदारी राष्ट्रीय चाचणी एजन्सी (NTA) वर सोपवली आहे.
CUET PG 2025 : महत्त्वाच्या तारखा
ऑनलाइन अर्ज भरणे : 02 जानेवारी ते 01 फेब्रुवारी 2025 (रात्री 11:50 पर्यंत)
शुल्क भरण्याची अंतिम तारीख : 02 फेब्रुवारी 2025 (रात्री 11:50 पर्यंत)
अर्जाच्या तपशिलात सुधारणा : 03 फेब्रुवारी ते 5 फेब्रुवारी 2025 (रात्री 11:50पर्यंत)
मार्च 2025 च्या पहिल्या आठवड्यात परीक्षा केंद्राची घोषणा
परीक्षेच्या तारखेच्या 04 दिवस आधी प्रवेशपत्र डाउनलोड (NTA वेबसाइटवरून) करता येणार
परीक्षेची तारीख 13 मार्च 2025 ते 31 मार्च 2025 दरम्यान