दादरच्या मॅकडोनाल्डमध्ये स्फोट होणार असल्याचा मुंबई पोलीस नियंत्रण कक्षाला फोन, अज्ञाताचा शोध सुरू - Mumbai Bomb Threat

Mumbai Bomb Threat : रविवारी सकाळी मुंबई पोलीस नियंत्रण कक्षाला एक फोन आला होता. यामध्ये फोन करणाऱ्यानं मुंबईतील दादर भागात असलेल्या मॅकडोनाल्डमध्ये बॉम्बस्फोट होणार असल्याची माहिती दिली. फोन करणाऱ्यानं नियंत्रण कक्षाला सांगितलं की, तो बसमध्ये प्रवास करत होता, तेव्हा त्यानं दोन लोक मॅकडोनाल्ड उडवण्याबद्दल बोलत असल्याचं ऐकलं.

मुंबई Mumbai Bomb Threat : मुंबई पोलीस नियंत्रण कक्षाला आज (19 मे) सकाळी धमकीचा फोन आला. पुन्हा एकदा खळबळ उडाल्याचं बघायला मिळालं. एका अज्ञात कॉलरनं कॉल करून मुंबईतील दादर भागात असलेल्या मॅकडोनाल्डमध्ये स्फोट होणार असल्याची माहिती दिली. मात्र, घटनास्थळी कोणतीही संशयास्पद वस्तू न आढळून आली नाही.

नेमकं काय घडलं? : एका अज्ञात व्यक्तीनं मुंबई पोलिसांना कॉल करून दादर सारख्या गजबजलेल्या गर्दीच्या ठिकाणातील मॅकडोनाल्ड बॉम्बनं उडवणार असल्याचं सांगितल्यानं पोलिसांमध्ये तारांबळ उडाली. अज्ञात व्यक्तीनं कॉलवर सांगितलं की, तो बेस्टच्या बस क्रमांक 351 मधून प्रवास करत असताना दोन व्यक्ती मॅकडोनाल्ड उडवण्याबाबत चर्चा करत असल्याचं त्यानं ऐकलं. याबाबतची माहिती अज्ञात कॉलरनं मुंबई पोलीस नियंत्रण कक्षाला कॉल करून दिली. ही माहिती मिळाल्यानंतर मुंबई पोलीस अलर्ट झाले. तपासाची चक्र वेगानं फिरवली. मात्र, यावेळी कोणतीही संशयास्पद वस्तू सापडली नाही. त्यामुळं आता मुंबई पोलीस नियंत्रण कक्षाला खोटी माहिती देणाऱ्या अज्ञात कॉलरचा शोध घेतला जात असल्याची माहिती पोलीस अधिकाऱ्यांनी दिली आहे.

कराचीमधून आरडीएक्स आल्याचा दावा करणाऱ्या आरोपीला अटक-नुकतेच सांगली पोलिसांनी मुंबई सेंट्रल रेल्वे पोलिसांच्या मदतीनं मुंबई पुणे सांगली आणि इतर शहरांमध्ये हॉक्स कॉल करणाऱ्या एका आरोपीच्या मुसक्या आवळल्या आहेत. सचिन शिंदे वय 32 असे आरोपीचे नाव आहे. या आरोपीनं सांगली पोलिसांना कराचीमधून एक व्यक्ती आरडीएक्स घेऊन मुंबईत उतरली असल्याची माहिती फोनवरून दिली होती. एका अंध व्यक्तीचा फोन चोरून त्याच्या फोनवरून या आरोपीनं कॉल केला असल्याचं तपासात उघडकीस आले आहे.

हेही वाचा -