मेष (Aries) : हा आठवडा प्रेमीजनांसाठी सामान्य आहे. आपल्या वैवाहिक जीवनात थोडा तणाव असू शकतो. समस्यांचं निराकरण आपण सहजपणे करू शकाल. या आठवड्यात वायफळ खर्च होण्याची शक्यता असल्यानं त्यावर नियंत्रण ठेवा. नोकरी करणाऱ्या व्यक्तींना जर नोकरीत बदल करायची इच्छा असेल तर या आठवड्यात त्यांनी तो बदल करू नये. विद्यार्थ्यांनी या आठवड्यात मन लावून अभ्यास करावा. या आठवड्यात कोणत्याही प्रकारचा मानसिक ताण घेऊ नये, अन्यथा आपल्या प्रकृतीवर त्याचा विपरीत परिणाम होऊ शकतो. तसेच थंड पदार्थ खाणे टाळावे, अन्यथा खोकला, सर्दी, ताप इत्यादींचा त्रास आपणास होऊ शकतो.
वृषभ (Taurus) : हा आठवडा प्रेमीजनांसाठी खूपच चांगला आहे. आपण आपल्या प्रेमिकेच्या सहवासात रोमँटिक क्षण घालवू शकाल. वैवाहिक जीवनातील परिस्थिती काहीशी प्रतिकूल असू शकते. हा आठवडा आर्थिकदृष्ट्या मजबूत राहील. आपण जर पूर्वी काही आर्थिक गुतंवणूक केली असेल तर या आठवड्यात त्याचा लाभ प्राप्त होऊ शकतो. व्यापाऱ्यांना या आठवड्यात थोडे सावध राहावे लागेल. त्यांना व्यवसायात चढ-उतारांना सामोरे जावे लागू शकते. नोकरी करणाऱ्यांना कामानिमित्त प्रवास करावा लागू शकतो. उच्च शिक्षण घेणाऱ्या विद्यार्थ्यांनी जर मेहनत केली तर त्यांना यश प्राप्ती होऊ शकते. आपणास जर पोटाचे किंवा इतर विकारांचे त्रास होत असले तर त्याकडं दुर्लक्ष करू नये.
मिथुन (Gemini) : हा आठवडा आपल्यासाठी ठीक आहे. आपला वैवाहिक जोडीदार आपणास वेळ देऊ शकणार नाही. एखादे आर्थिक नुकसान होण्याची संभावना असल्यानं सावध राहावे. जग तुम्ही नोकरी बदलण्याचा विचार करत असाल तर त्यात पुढे जाऊ शकतात. हा आठवडा तसे करण्यास अनुकूल आहे. आपण जर स्पर्धेची तयारी करत असाल तर आपणास आपले श्रम वाढवावे लागतील. त्यामुळं आपणास यश प्राप्ती सुद्धा होऊ शकते. या आठवड्यात आपला एखादा जुना विकार उफाळून येण्याची संभावना आहे. तेव्हा एखाद्या चांगल्या डॉक्टरांकडून उपचार करून घ्यावा, म्हणजे आपणास बरे वाटू शकेल.
कर्क (Cancer) : हा आठवडा आपल्यासाठी चांगला आहे. आपण ज्या व्यक्तीस पसंत करत होता अशी एखादी जुन्या मैत्रीतील व्यक्ती या आठवड्यात आपणास भेटण्याची शक्यता आहे. विवाहित व्यक्ती त्यांच्या जीवनात काही वेगळे आणि नवीन करण्याचा प्रयत्न करतील. आपणास जर आर्थिक मदत हवी असेल तर आपले मित्र आपणास पूर्ण सहकार्य करू शकतील. ते आपणास आर्थिक मदत करू शकतात. नोकरी करणाऱ्या व्यक्तींनी कार्यक्षेत्री राजकारण करण्यापासून दूर राहावे, अन्यथा नोकरीत त्याचा त्रास होऊ शकतो. स्पर्धा परीक्षेची तयारी करणाऱ्या विद्यार्थ्यांसाठी हा आठवडा अनुकूल आहे. त्यांनी फक्त अध्ययनात कोणतीही कसर करू नये, मग यश त्यांचेच आहे. या आठवड्यात आपणास आपल्या आहारावर नियंत्रण ठेवावं लागेल. विशेषतः सकाळचे चालणे, व्यायाम आणि योगासन यासाठी वेळ काढावा.
सिंह (Leo) : हा आठवडा आपल्यासाठी सकारात्मक असू शकतो. एखाद्या तिसऱ्या व्यक्तीमुळं आपल्या प्रेमिकेवर शंका घेऊन आपले प्रणयी जीवन बिघडू नका. आपल्या वैवाहिक संबंधात माधुर्य येण्यासाठी आपल्या रागावर नियंत्रण ठेवा. या आठवड्यात आपण जमीन किंवा एखादी प्रॉपर्टी खरेदी करू शकता. तसेच काही प्रतिष्ठित व्यक्तींशी आपली भेट होऊ शकते. नोकरी करणाऱ्या व्यक्तींनी या आठवड्यात आपल्या नोकरीत बदल करू नये. आपण जेथे आहात तेथेच राहावे. इथेच आपणास प्रगतीची संधी प्राप्त होऊ शकते. आपण जर एखाद्या स्पर्धेची किंवा उच्च शिक्षणाची तयारी करत असाल तर पूर्ण मन लावून अभ्यास करावा. या आठवड्यात आपण जर थंड, आंबट पदार्थ खाणे न टाळल्यास आपला घसा खराब होऊ शकतो.
कन्या (Virgo) : हा आठवडा आपणास मिश्र फलदायी आहे. आपण ज्या व्यक्तीवर प्रेम करता त्या व्यक्तीशी काही गैरसमज झाल्यानं आपल्या दोघात तणाव निर्माण होऊ शकतो. तेव्हा आपल्या प्रेमिकेशी मोकळेपणाने बोलणे हिताचे होईल. या आठवड्यात आपल्या प्राप्तीत वृद्धी होण्याची संभावना असली तरी खर्च वाढण्याची संभावना सुद्धा आहे. या आठवड्यात अशा एखाद्या अनुभवी व्यक्तीशी आपली ओळख होईल, जी व्यापार वृद्धीत खूपच चांगली मदत करू शकेल. या आठवड्यात ऋतुजन्य विकारांच्या त्रासाने आपण त्रस्त होऊ शकता. तेव्हा आपली तंदुरुस्ती टिकविण्यासाठी नियमितपणे योगासने करावीत. कदाचित आपल्या शरीरात एखाद्या व्हिटॅमिनची कमतरता असू शकते. तेव्हा वैद्यकीय तपासण्या करून घ्याव्यात. गरज भासल्यास काही औषधे सुद्धा घेऊ शकता.
तूळ (Libra) : हा आठवडा आपल्यासाठी चांगला आहे. प्रणयी जीवनात आपणास विचारपूर्वक बोलावे लागेल. असं केल्यानं आपल्यात कटुता न येता, प्रेम वाढेल. या आठवड्यात आपण भरपूर पैसा कमवाल, परंतु खर्चात सुद्धा वाढ होणार आहे याची जाणीव ठेवावी. अशावेळी विचारपूर्वक पैसा खर्च करावा, नाहीतर आपणास पैसे कोठे गेले हे समजणार नाही. आपणास जर नोकरीत बदल करावयाचा असेल तर योग्य वेळेची प्रतीक्षा करा. आपण जेथे नोकरी करत आहात तेथेच सध्या राहा. नोकरीत बदल करू नये. या आठवड्यात आपल्या आहारावर विशेष लक्ष द्यावं लागेल, अन्यथा आपणास पोटाच्या तक्रारीस सामोरे जावे लागू शकते.
वृश्चिक (Scorpio) : या आठवड्यात आपण अतिशय व्यस्त राहाल. त्यामुळं आपण आपल्या जोडीदारास योग्य तितका वेळ देऊ शकणार नाही. असं झाल्यानं आपण आणि आपला जोडीदार या दरम्यान दुरावा निर्माण होऊ शकतो. हा आठवड्यात आपणास आपली थकबाकी मिळण्याची संभावना असून आपण हा आठवडा आनंदात घालवू शकाल. उच्च शिक्षण घेणाऱ्या विद्यार्थ्यांसाठी हा आठवडा खूपच चांगला आहे. स्पर्धेची तयारी करत असणाऱ्यांना यश प्राप्ती संभवते. या आठवड्यात दही आणि थंड पदार्थ खाणे आपण टाळावे. अन्यथा आपला घसा खराब होऊ शकतो.
धनु (Sagittarius) : हा आठवडा प्रणयी जीवनासाठी अत्यंत नाजूक असल्यानं या आठवड्यात प्रेमीजनांनी सावध राहावे. तसेच आपण पैश्यांच्या बाबतीत काहीसे त्रस्त राहाल. या आठवड्यात भरपूर खर्च होण्याची शक्यता असल्यानं आपणास त्यावर नियंत्रण ठेवावं लागेल. या आठवड्यात एखादी परदेशी संस्था आपल्याशी एखादा मोठा व्यावसायिक करार करण्याची संभावना असून आपणास मोठे कंत्राट मिळू शकते. विद्यार्थ्यांचं लक्ष विचलित झाल्यामुळं त्यांना अध्ययनात त्रास होऊ शकतो. असं असलं तरी स्पर्धा परीक्षेत ते यशस्वी होऊ शकतात. या आठवड्यात आपणास आपल्या प्रकृतीची विशेष काळजी घ्यावी लागेल. आपणास जर अशक्तपणा वाटत असेल औषधाचे सेवन करावे. असं करून सुद्धा फरक न पडल्यास वैद्यकीय तपासणी करून घ्यावी.
मकर (Capricorn) : हा आठवडा आपणास अनुकूल आहे. आपली पूर्वीची प्रलंबित कामे पूर्ण होऊ शकतात. त्यामुळं आपणास धनलाभ होऊ शकतो. या आठवड्यात व्यापारी आपला पूर्वीचा व्यवसाय जो खंडित झाला होता तो पुन्हा सुरु करू शकतील. त्यातून त्यांना फायदा होऊ शकेल. या आठवड्यात विद्यार्थ्यांचं लक्ष अभ्यासाऐवजी इतर बाबीत जास्त गुंतलेलं असेल. त्यामुळं ते एकाग्रतेने आपला अभ्यास करू शकणार नाहीत. या आठवड्यात आपली प्रकृती बिघडण्याची संभावना आहे. यात विशेषतः दंत विकार होण्याची संभावना जास्त आहे. तेव्हा सावध राहावं.
कुंभ (Aquarius) : या आठवड्यात प्रेमीजनांना अपेक्षित समाधान मिळणार नसल्यानं एखाद्या गोष्टीने त्यांचे प्रेमिकेशी भांडण होण्याची संभावना आहे. वैवाहिक जीवनात समन्वय साधण्यासाठी आपणास सामंजस्य दाखवावं लागेल. आपणास जर एखाद्या प्रॉपर्टीत गुंतवणूक करावयाची असेल तर एखाद्या तज्ञ व्यक्तीचा सल्ला घेणे उपयुक्त ठरेल. नोकरी करणाऱ्यांसाठी हा आठवडा चांगला आहे. आपण आपल्या कार्यक्षेत्री उत्तम प्रगती करू शकाल. उच्च शिक्षण घेणाऱ्या विद्यार्थ्यांना जीवनात यशस्वी होण्यासाठी एकाग्रतेने अभ्यास करावा लागेल. या आठवड्यात आपली प्रकृती बिघडण्याची संभावना असून एखाद्या चांगल्या डॉक्टरांकडून शारीरिक तपासणी करून घेणे हिताचे राहिल. या व्यतिरिक्त आपण आपल्या दिनचर्येत थोडा बदल करण्याचा प्रयत्न करावा.
मीन (Pisces) : हा आठवडा प्रेमीजनांसाठी अनुकूल आहे. आपण आपल्या प्रेमिकेच्या सहवासात अत्यंत खुश राहाल. आपल्यात उत्तम सामंजस्य असल्यानं आपले वैवाहिक जीवन अधिक दृढ होईल. या आठवड्यात व्यापाऱ्यांना त्यांच्या व्यवसायातून चांगला लाभ होऊ शकतो. नोकरी करणाऱ्यांसाठी सुद्धा हा आठवडा अत्यंत चांगला आहे. जर आपणास नोकरीत बदल करावयाचा असेल तर हा आठवडा त्यास सकारात्मक फळ देणारा आहे. आपण जर एखादी सरकारी परीक्षा देणार असाल तर त्यासाठी हा आठवडा आपणास सकारात्मक परिणाम देणारा होऊ शकेल. या आठवड्यात आपणास आपल्या आहारावर विशेष नियंत्रण ठेवावं लागेल अन्यथा पोटाचे विकार आपणास त्रस्त करू शकतील.
हेही वाचा -
