पॅरिस ऑलिम्पिकचं आज भव्य उद्घाटन; 128 वर्षांच्या इतिहासात प्रथमच 'असा' होणार उद्घाटन सोहळा - Paris Olympics 2024

Paris Olympics 2024 Opening Ceremony : पॅरिस ऑलिम्पिक 2024 ची सुरुवात आज एका शानदार उद्घाटन सोहळ्यानं होत आहे. यात प्रतिष्ठित सीन नदीवर एक कार्यक्रम आयोजित केला जाईल. विशेष म्हणजे ऑलिम्पिकच्या 128 वर्षांच्या इतिहासात पहिल्यांदाच स्टेडियमबाहेर उद्घाटन सोहळा होणार आहे.

पॅरिस Paris Olympics 2024 Opening Ceremony :खेळाचा महाकुंभ अर्थात ऑलिम्पिकची आजपासून (26 जुलै) सुरुवात होत आहे. पॅरिस 2024 ऑलिम्पिकचा उद्घाटन सोहळा सीन नदीच्या काठावर होणार आहे. 'लाइट ऑफ सिटी' आणि त्यातून वाहणाऱ्या जलमार्गांचा गौरव करुन स्टेडियमबाहेर उद्घाटन सोहळा आयोजित करण्याची इतिहासात ही पहिलीच वेळ आहे. अनेक प्रभावशाली राजकीय व्यक्ती आणि हजारो कलाकार पॅरिसमध्ये हा खेळ महोत्सव सुरु होण्यासाठी सर्वतोपरी प्रयत्न करतील. या कार्यक्रमात अनुभवी पॅडलर अचंता शरथ कमल आणि शटलर पीव्ही सिंधू हे भारताचे ध्वजवाहक असतील.

ऑलिम्पिक खेळांच्या इतिहासात प्रथमच असा उद्घाटन समारंभ :

1. स्टेडियमच्या बाहेर होणार उद्घाटन सोहळा
2. अनेक प्रेक्षकांना प्रवेश घेऊन पाहता येणार सोहळा
3. नदीवर होणार समारंभ
4. खास प्रेक्षकंसाठी होणार सोहळा
5. खेळाडूंसाठी त्यांच्यासाठी तयार केलेला समारंभ

• उद्घाटन सोहळ्यात काय खास :

ऑलिम्पिक खेळांच्या इतिहासात पहिल्यांदाच उद्घाटन समारंभासाठी सीन नदीच्या बाजूनं सुमारे 94 नौका परेड ताफ्यात सहभागी होतील. परेडचा मार्ग 6 किलोमीटर लांबीचा आहे. ज्यात 206 राष्ट्रीय ऑलिम्पिक समित्यांचे (एनओसी) प्रतिनिधित्व करणारे 10 हजार 500 खेळाडू असतील.

• उद्घाटन समारंभाची वेळ :

पॅरिस ऑलिम्पिक 2204 चा उद्घाटन सोहळा भारतीय वेळेनुसार रात्री 11:00 वाजता सुरू होईल, हा सोहळा 3 तासांपेक्षा जास्त काळ चालेल अशी अपेक्षा आहे.

• उद्घाटन समारंभाचं ठिकाण :

उद्घाटन समारंभाची परेड जार्डिन डेस प्लांटेसजवळील ऑस्टरलिट्झ ब्रिजपासून सुरु होईल आणि सीन नदीच्या बाजूनं पूर्वेकडून पश्चिमेकडे जाईल. बोटीवरील ऍथलीट्सला कॉनकॉर्ड अर्बन पार्क, इनव्हॅलिड्स आणि ग्रँड पॅलेससह अनेक ऑलिम्पिक साइट्स पाहतील. आयफेल टॉवरला ट्रोकाडेरो जिल्ह्याला जोडणाऱ्या इना ब्रिज इथं या परेडचा समारोप होईल. याठिकाणी फ्रान्सचे अध्यक्ष इमॅन्युएल मॅक्रॉन उद्घाटनाचं भाषण देतील.

• परेडचा मार्ग :

सीन नदीच्या बाजूनं परेड मार्ग पॅरिसच्या इतिहास आणि वास्तुकलांचं दर्शन देतं. जार्डिन डेस प्लांट्सजवळील ऑस्टरलिट्झ ब्रिजपासून सुरु होणारी आणि ट्रोकाडेरोच्या समोर समाप्त होणारी, परेड ऐतिहासिक पूल आणि नोट्रे डेम तसंच लूव्रे सारख्या स्थळांच्या खाली जाते. राष्ट्रीय संघांनी पाठवलेले खेळाडू, आयफेल टॉवरसमोर बोटींवर पोहोचतील. याठिकाणी पॅरिस 2024 गेम्सची औपचारिक घोषणा होईल.

• ऑलिम्पिक मशाल वाहक :

हिप हॉप दिग्गज स्नूप डॉग ऑलिम्पिक मशाल वाहक असेल आणि पॅरिसच्या उपनगरातील सेंट-डेनिसभोवती अंतिम टप्प्यावर मशाल घेऊन जाईल.

• किती खेळाडू सहभागी होणार :

सुमारे 10,500 खेळाडूंना घेऊन जाणाऱ्या सुमारे 94 बोटी परेडदरम्यान सीन नदीवर असतील. परेडमध्ये प्रतिनिधित्व केलेल्या 206 राष्ट्रीय ऑलिम्पिक समित्यांपैकी (NOCs) मोठ्या समित्यांकडे त्यांच्या स्वत:च्या बोटी असतील.

• ऑलिम्पिकच्या या उद्घाटन समारंभात कॅनेडियन गायिका सेलीन डिऑन आणि अमेरिकन पॉप स्टार लेडी गागा एडिथ पियाफचे क्लासिक 'ला व्हिए एन रोज' सादर करतील.

• पॅरिस ऑलिम्पिक 2024 थीम :

पॅरिस 2024 ऑलिम्पिकच्या प्रेझेंटेशनमध्ये लैंगिक समानता आणि वारसा याविषयीच्या त्यांच्या वचनबद्धतेसह अनेक विषयांचा समावेश करण्यात आला आहे. पॅरिस 2024 ऑलिम्पिकच्या 'गेम्स वाइड ओपन' घोषणेला अनुसरुन हा सोहळा शहराच्या मध्यभागी आयोजित केला जाईल. जो यजमान देशाची सर्जनशीलता आणि संस्कृती दर्शविणारा एक नेत्रदीपक कार्यक्रम असेल.

हेही वाचा :