अबूधाबी (युएई) IRE vs SA 2nd T20I Live Streaming : आयर्लंड राष्ट्रीय क्रिकेट संघ विरुद्ध दक्षिण आफ्रिका राष्ट्रीय क्रिकेट संघ यांच्यातील दोन सामन्यांच्या T20 मालिकेतील दुसरा T20 सामना आज म्हणजेच 29 सप्टेंबर रोजी खेळवला जाणार आहे. उभय संघांमधील हा सामना अबुधाबीच्या शेख झायेद स्टेडियमवर होणार आहे. हा सामना जिंकत मालिका जिंकण्याच्या निर्धारानं दक्षिण आफ्रिकेचा संघ मैदानात उतरेल तर दुसरीकडे हा सामना जिंकत मालिका बरोबरीत सोडवण्याचा आयर्लंड संघाचा प्रयत्न असेल.
पहिल्या T20 सामन्यात काय झालं : अबुधाबीमध्ये खेळल्या गेलेल्या पहिल्या T20 सामन्यात दक्षिण आफ्रिकेचा कर्णधार एडन मार्करामनं नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर प्रथम फलंदाजीला आलेल्या आयरिश संघानं 20 षटकांत 8 गडी गमावून 171 धावा केल्या. लक्ष्याचा पाठलाग करताना दक्षिण आफ्रिकेच्या संघानं 17.4 षटकांत दोन गडी गमावून लक्ष्य गाठलं. दक्षिण आफ्रिकेकडून रायन रिकेल्टननं सर्वाधिक 76 धावांची खेळी खेळली. आपल्या स्फोटक खेळीदरम्यान रायन रिकेल्टननं 48 चेंडूत सहा षटकार आणि तीन चौकार ठोकले. रायन रिकेल्टनशिवाय रीझा हेंड्रिक्सनंही 51 धावा केल्या.
दोन्ही संघांचा हेड-टू-हेड रेकॉर्ड : दक्षिण आफ्रिका आणि आयर्लंड यांच्यात आतापर्यंत एकूण सहा T20 आंतरराष्ट्रीय सामने खेळले गेले आहेत. यात दक्षिण आफ्रिकेच्या संघानं सर्व सामने जिंकले आहेत. या मालिकेत आयर्लंडला पहिला विजय मिळवायचा आहे.
खेळपट्टी कशी असेल : अबुधाबीतील झायेद क्रिकेट स्टेडियमची खेळपट्टी गोलंदाजांसाठी अधिक उपयुक्त ठरते. विशेषत: सुरुवातीच्या षटकांमध्ये वेगवान गोलंदाजांना स्विंगची मदत मिळते. या मैदानावर गेल्या 10 टी-20 सामन्यांमध्ये सरासरी 128 धावा आहेत. जसजसा सामना पुढं जाईल तसतसं खेळपट्टीचं स्वरुप बदलू शकते. त्यामुळं टॉस जिंकणारा संघ प्रथम फलंदाजी करण्यास प्राधान्य देऊ शकतो.
आयर्लंड वि दक्षिण आफ्रिका पूर्ण वेळापत्रक :
- पहिला T20 - 27 सप्टेंबर, दक्षिण आफ्रिका 8 विकेटनं विजयी
- दुसरा T20 - आज (झायेद क्रिकेट स्टेडियम, अबूधाबी)
- पहिला वनडे - 2 ऑक्टोबर (झायेद क्रिकेट स्टेडियम, अबुधाबी)
- दुसरा वनडे - 4 ऑक्टोबर (झायेद क्रिकेट स्टेडियम, अबूधाबी)
- तिसरा वनडे - 7 ऑक्टोबर (झायेद क्रिकेट स्टेडियम, अबूधाबी)
- आयर्लंड विरुद्ध दक्षिण आफ्रिका यांच्यातील दुसरा T20 सामना कधी खेळला जाईल?
आयर्लंड विरुद्ध दक्षिण आफ्रिका यांच्यातील दुसरा T20 सामना रविवार, 29 सप्टेंबर रोजी होणार आहे.
- आयर्लंड विरुद्ध दक्षिण आफ्रिका यांच्यातील दुसरा T20 सामना कुठं खेळवला जाईल?
आयर्लंड विरुद्ध दक्षिण आफ्रिका यांच्यातील दुसरा T20 सामना झायेद क्रिकेट स्टेडियम, अबूधाबी इथं होणार आहे.
- आयर्लंड विरुद्ध दक्षिण आफ्रिका यांच्यातील दुसरा T20 सामना किती वाजता सुरु होईल?