Health Benefits Of Orange Juice :संत्र्याचा रस प्यायला जेवढं चवदार, तेवढंच आरोग्यवर्धक आहे. याला सुपरफूड म्हणूनही ओळखलं जातं. यात व्हिटॅमिन ए आणि सी, सोडियम, कॅल्शियमस फायबर, मॅग्नेशियम आणि अ‍ॅंटीऑक्सिडंट्स मोठ्या प्रमाणात आढळतात. हिवाळ्यामध्ये होणाऱ्या सर्दीपासून ते त्वचा संबंधित समस्यांपर्यंत संत्र्याचा ज्यूस फायदेशीर आहे. संत्राच्या ज्यूसमुळं रोगप्रतिकारशक्ती वाढते. शिवाय वजन कमी करण्यासाठी देखील संत्र्याचा ज्यूस उत्तम आहे. त्याचबरोबर हिवाळ्यात उद्भवणाऱ्या डिहायड्रेशनच्या समस्येवरही संत्रा ज्यूस रामबाण आहे.
हाडं मजबूत : संत्र्यामध्ये मुबलक प्रमाणात कॅल्शियम असतं. जे हाडांच्या आरोग्यासाठी फायदेशीर आहे. यामुळे हाडं मजबूत होतात.
त्वचा निरोगी राहते:संत्र्यामध्ये असलेल्या व्हिटॅमिन सी आणि अ‍ॅंटिऑक्सिडंट्समुळे त्वचा निखारते. तसंच संत्र्याच्या ज्यूसमुळे निस्तेज त्वचा तेजस्वी दिसू लागते.
कोलेस्ट्रॉल कमी करण्यासाठी फायदेशीर : शरीरातील कोलेस्टेरॉल कमी करण्यासाठी संत्रा ज्यूस फायदेशीर आहे. यात फायबरचं प्रमाण असल्यामुळे पॉलिमिथॉक्सिलेटेड फ्लेव्होनॉइड्स जलद गतीनं कोलेस्टेरॉल कमी करतात. शरीरातील कोलेस्टेरॉलची पातळी कमी करण्यासाठी संत्रा ज्यूस औषधांपेक्षा कमी नाही.
कर्करोगापासून संरक्षण :संत्र्यामध्ये आढळणाऱ्या डी-लिमोनिन संयुगं फुफ्फुसाचा कर्करोग तसंच त्वचेचा कर्करोगाशी लढण्यात मदत करते. तसंच संत्रा ज्यूस स्तनांचा कर्करोगापासून संरक्षण करते.
इन्फर्टीलिटीध्ये सुधारणा :संत्र्याचा ज्यूस मधील व्हिटॅमिन आणि अ‍ॅंटिऑक्सिडंट्स पुरुषांमधील शुक्राणूची कमजोरी दूर करते. यामुळे शूक्राणूंची क्वालिटी चांगली होते.