मुंबई - Virat Kohli and Anushka Sharma :अनुष्का शर्मा आणि क्रिकेटर विराट कोहलीचे चाहते मोठ्या संख्येनं आहेत. सध्या विराट आणि अनुष्का टी-20 वर्ल्ड कप 2024 साठी न्यूयॉर्कमध्ये उपस्थित आहेत. विराट रविवारी पाकिस्तान क्रिकेट संघाविरुद्ध मैदानात उतरणार आहे. दरम्यान सोशल मीडियावर विराट कोहली आणि अनुष्का शर्माचा एक व्हिडिओ व्हायरल झाला आहे. यामध्ये दोघेही त्यांची मुलगी वामिकाबरोबर फिरताना दिसत आहे. विराट कोहली आणि अनुष्का शर्मा गार्डन सिटी, न्यूयॉर्क येथे स्पॉट झाले. हा व्हिडिओ न्यूयॉर्कमधील हॉटेलमधील आहे. व्हिडिओत विराट आणि अनुष्का हात धरून वामिकाचा हॉटेलमध्ये जाताना दिसत आहे.
विराट आणि अनुष्काचा व्हिडिओ व्हायरल :आता विराट आणि अनुष्काचा हा व्हायरल व्हिडिओ अनेकांना आवडत आहे. या व्हिडिओवर अनेकांनी आपल्या प्रतिक्रिया दिल्या आहेत. व्हायरल झालेल्या व्हिडिओमध्ये विराट आणि अनुष्का हे कॅज्युअल लूकमध्ये दिसत आहेत. अनेक चाहत्यांनी या जोडप्याचा व्हिडिओ अशा प्रकारे रेकॉर्ड करण्यावर आक्षेपही व्यक्त केला आहे. त्याच्या गोपनीयतेचा आदर करण्याची विनंती यूजर्सनं केली आहे. एका यूजर्सनं या पोस्टवर लिहिलं, "कृपया, त्याच्या गोपनीयतेचं उल्लंघन करू नका, ते देखील एक माणूस आहेत." दुसऱ्या युजरनं लिहिलं, "तुम्ही त्यांचा व्हिडिओ अशा प्रकारे रेकॉर्ड केला आहे, त्याच्या गोपनीयतेचा आदर करा." आणखी एका चाहत्यानं लिहिलं, "हा व्हिडिओ खूप सुंदर आहे." काहीजण या व्हिडिओवर हार्ट आणि फायर इमोजी पोस्ट करत आहेत.