मुंबई - Two Kids danced on song Angaaron :साउथ सुपरस्टार अल्लू अर्जुन आणि रश्मिका मंदान्ना स्टारर ऍक्शन-ड्रामा चित्रपट 'पुष्पा 2: द रुल'च्या रिलीजला आता काही दिवस उरले आहेत. अल्लू अर्जुनच्या चाहत्यांमध्ये या चित्रपटाबद्दलची खूप उत्सुकता आहे. 'पुष्पा 2: द रुल'चा टीझर आणि गाणी रिलीज झाल्यापासून या चित्रपटाची क्रेझ खूप वाढली आहे. अलीकडेच एका डान्स इव्हेंटमध्ये दोन चिमुकल्यांनी अल्लू अर्जुन आणि रश्मिका मंदान्नाच्या 'अंगारों' गाण्यावर खूप सुंदर डान्स केला. आता या छोट्या चिमुकल्यांचा डान्सचा व्हिडिओ सोशल मीडियावर खूप व्हायरल झाला आहे.
क्यूट कपल पुष्पा आणि श्रीवल्ली : व्हिडिओमध्ये दोन गोंडस मुले चित्रपटातील 'अंगारों' गाण्यावर धमाकेदार डान्स करत असून तिथे उपस्थित असलेल्या प्रेक्षकाचं मनोरंजन करताना दिसत आहेत. व्हिडिओत अल्लू अर्जुन आणि रश्मिका मंदान्ना सारखा पोशाख या चिमुकल्यांनी घातलेला दिसत आहे. गाण्यामधील सिग्नेचर मूव्ह्ज दोघेही खूप सुंदर पद्धतीनं करत आहेत. 'अंगारों' गाण्याचा व्हिडिओ रिलीज होताच हिट झाला आणि त्याच्या सिग्नेचर स्टेप्ससाठी ट्रेंडमध्ये आल्या होत्या. हे गाणं अजूनही सोशल मीडियावर खूप पसंत केलं जात आहे. दरम्यान या चिमुकल्यांच्या व्हिडिओला यूजर्स आता भरभरून लाईक्स देत आहेत.