मुंबई - Yodha Teaser Release Date OUT :अभिनेता सिद्धार्थ मल्होत्राच्या बहुप्रतीक्षित 'योद्धा' चित्रपटाबाबत एक मोठी अपडेट समोर आली आहे. चित्रपटाचा निर्माता करण जोहर आणि सिद्धार्थ मल्होत्रा यांनी 'योद्धा' चित्रपटाच्या टीझर रिलीजची तारीख जाहीर केली आहे. या चित्रपटाचा टीझर लवकरच प्रदर्शित होणार आहे. 'योद्धा'च्या टीझर रिलीज डेटच्या घोषणेबरोबर एक व्हिडिओही रिलीज करण्यात आला आहे. या व्हिडिओत 'योद्धा' चित्रपटातील अभिनेता सिद्धार्थचे पोस्टर हेलिकॉप्टरमधून स्काई डाइविंग करून प्रदर्शित करण्यात आले आहे. स्काई डाइविंग करून पोस्टर रिलीज करणं हे खूप हटके असल्याचं आता अनेकजण सोशल मीडियावर प्रतिक्रिया देऊन म्हणत आहेत.
टीझर कधी रिलीज होणार? : 'योद्धा'चा टीझर 19 फेब्रुवारीला रिलीज होणार आहे. अनेकदा या चित्रपटाच्या प्रदर्शनाची तारीख बदलण्यात आली आहे. आता हा चित्रपट 15 मार्च 2024 रोजी प्रदर्शित होणार आहे. यापूर्वी 'योद्धा' 15 सप्टेंबर 2023 रोजी प्रदर्शित होणार होता. त्याआधीही हा चित्रपट 7 जुलै 2023 रोजी रिलीज होण्यासाठी सज्ज होता, मात्र त्यानंतर चित्रपटाची रिलीज डेट 8 डिसेंबर 2023 ठेवण्यात आली होती. कतरिना कैफ आणि विजय सेतुपती स्टारर चित्रपट 'मेरी ख्रिसमस' या चित्रपटानं बॉक्स ऑफिसवर टक्कर दिली असती. यानंतर 'मेरी ख्रिसमस' रुपेरी पडद्यावर रिलीज झाला, मात्र 'योद्धा'ला आणखी एक नवीन रिलीज डेट मिळाली. 'योद्धा' चित्रपटाची नवीन रिलीज डेट जाहीर करताना करण जोहरनं लिहिलं, 'आम्ही आकाशात उडण्याची तयारी केली आहे, 'योद्धा' 15 मार्च 2024 रोजी चित्रपटगृहात येत आहे.''