मुंबई - Salman Khan and Shah Rukh Khan :मुंबईत अनंत अंबानी आणि राधिका मर्चंटच्या लग्नात शाहरुख आणि सलमान खानचा डान्स करतानाचा व्हिडिओ सोशल मीडियावर व्हायरल झाला आहे. शाहरुख आणि सलमान त्यांच्याच सुपरहिट चित्रपट 'करण अर्जुन' मधील 'भांगडा पावले' या प्रसिद्ध गाण्यावर डान्स करून त्यांची सर्वांचं मन जिंकले आहेत. याशिवाय काही इतर अनेक स्टार्सही यावर डान्स करत होते. या दोघांचा हा सुंदर डान्स व्हिडिओ सोशल मीडियावर चर्चेत आहे. या व्हिडिओत 'भाईजान' आणि 'किंग खान'मध्ये सुंदर बॉन्ड पाहायला मिळत आहे. अनंत आणि राधिकाच्या लग्नात सलमान -शाहरुख खाननं खूप धमाल केली.
अनंत आणि राधिकाचं लग्न धमाकेदार : जिओ वर्ल्ड कन्व्हेन्शन सेंटरमध्ये झालेल्या अनंत आणि राधिकाच्या लग्नात अनेक सेलिब्रिटींचा मीनाबाजार भरला होता. या लग्नात शाहरुख आणि सलमान सर्वाधिक चर्चेत राहिले. दरम्यान, या दोघांचा डान्स व्हिडिओ पाहून अनेकांना करण आणि अर्जुनची पुन्हा एकदा आठवण आली. 'करण अर्जुन' चित्रपटाचा दुसरा पार्ट येणार का ? असा प्रश्न काही चाहते करत आहेत. दरम्यान शाहरुख आणि सलमानमध्ये चांगली मैत्री आहे. या लग्नात 'किंग खान' आणि 'भाईजान'नं आपल्या डान्सनं सर्वांचे लक्ष वेधून घेतलं. सोशल मीडियावर सलमान आणि शाहरुख खानच्या डान्सच्या व्हिडिओनं खळबळ उडवून दिली आहे. अनंत अंबानींच्या लग्नाच्या मिरवणुकीत शाहरुख आणि सलमाननं नीता अंबानीबरोबर सुंदर डान्स केला.