मुंबई - Sushant and Ankita Video : होळी हा दिवंगत अभिनेता सुशांत सिंह राजपूतचा आवडता सण होता. एका मुलाखतीत सुशांतनं म्हटलं होत की, '' होळीसाठी तो इतका उत्साही होता की आदल्या रात्री त्याला झोप येत नव्हती.'' आज त्याचा एक व्हिडिओ सोशल मीडियावर प्रचंड व्हायरल होत आहे. यामध्ये तो एक्स गर्लफ्रेंड अंकिता लोखंडेबरोबर दिसत आहे. व्हिडिओत दोघेही होळी खेळताना आणि 'रंग बरसे' गाण्यावर डान्स करत आहेत. सुशांत आणि अंकिताचे होळीच्या पार्टीचे न पाहिलेले फुटेज अनेकांना आवडत आहेत. व्हिडिओमध्ये सुशांतनं पांढरा शर्ट घातलेला आहे आणि तो इतरांवर गुलाल उधळताना दिसत आहे.
सुशांत सिंह आणि अंकिता लोखंडेचा व्हिडिओ :व्हायरल होत असलेल्या व्हिडीओमध्ये सुशांत मीडियाशी बोलताना म्हणत आहे की, ''जर तुम्ही होळीच्या रंगात पूर्णपणे रंगले नसाल, तर तुम्ही कोणत्या प्रकारची होळी साजरी केली? यानंतर अंकिता म्हणते, "आम्ही होळी खेळल्यानंतर तुम्ही आम्हाला ओळखणारही नाही." अंकिताला तिच्या आवडत्या होळीच्या डान्स मूव्ह्ज दाखवायला सांगितल्यावर तिनं डान्स केला तर सुशांतनं शिट्टी वाजवली आणि 'रंग बरसे'मध्ये अमिताभ बच्चनच्या स्टेप्सची नक्कल केली. हे जोडपे एकमेकांच्या चेहऱ्यावर रंग लावताना आणि 'बुरा ना मानो होली है' म्हणताना व्हिडिओमध्ये दिसत आहे.