आदित्य रॉय कपूर ऐवजी रख्त ब्रम्हांडमध्ये सामंथा बरोबर झळकणार अलि फजल - Samantha Ruth Prabhu

'रख्त ब्रह्मांड' मालिकेमध्ये आदित्य रॉय कपूरबरोबर सामंथा रुथ प्रभूची जोडी जमणार असल्याची चर्चा होती, मात्र त्या जागी अली फजलची एन्ट्री झाली आहे. 'मिर्झापूर 3' च्या यशानंतर अलिला हा महत्त्वाकांक्षी प्रोजेक्ट मिळाला आहे.

मुंबई - सामंथा रुथ प्रभू आणि आदित्य रॉय कपूर यांची जोडी 'रख्त ब्रम्हांड'मध्ये असल्याच्या बातम्या झळकत होत्या. पण लेटेस्ट अपडेटमध्ये दिसत आहे की यामध्ये सामंथाची जोडी अभिनेता अलि फझल याच्याबरोबर असणार आहे. या पिरीयड ड्रामामध्ये या दोघांची ऑन-स्क्रीन केमिस्ट्री पाहण्याची संधी प्रेक्षकांना मिळणार आहे.

अली फझल, सध्या मिर्झापूर मालिकेच्या तिसऱ्या सीझनच्या यशानंतर उंच भरारी घेत असून, 'रख्त ब्रह्मांड'च्या कलाकारांमध्ये सामील होण्यासाठी सज्ज झाला आहे. राज आणि डीके दिग्दर्शित या महत्त्वाकांक्षी प्रकल्पात तो सामंथाबरोबर मुख्य भूमिका साकारणार आहे. 'तुंबाड' या दर्जेदार चित्रपटामधील आपल्या गाजलेल्या कामासाठी ओळखले जाणारे राही अनिल बर्वे या मालिकेचे दिग्दर्शन करणार आहे.

"'रख्त ब्रह्मांड' हा राज आणि डीकेचा एक दूरदर्शी प्रकल्प आहे, जो कल्पनारम्य ड्रामा प्रकारात मोडणारा आहे. कलाकारांची निश्चिती पूर्ण झाल्यानं शूटिंग पुढील आठवड्यात सुरू होणार आहे. या मालिकेच्या चित्रीकरणासाठी आपल्या इतर कमिटमेंटचा बॅलन्स सांभाळत अलि फजल आपला ऑगस्ट महिना समर्पित करेल. या मालिकेतील अनोखी भूमिका आणि त्याच्या स्टाईलच्या प्रेमात पडल्यामुळं अलि फजलनं ही व्यक्तिरेखा स्वीकारली आहे, ” असं प्रॉडक्शनच्या जवळच्या स्त्रोतानं न्यूजवायरला सांगितलं.

पुढील आठवड्यात मुंबईत सहा भागांच्या मालिकेसाठी कॅमेरे ऑन होणार आहेत. सामंथा आणि अली व्यतिरिक्त, या मालिकेत आदित्य रॉय कपूर आणि वामिका गब्बी देखील प्रमुख भूमिकेत आहेत. अली फझलसाठी, हा प्रकल्प अनुराग बसूच्या 'मेट्रो इन दिनो', आमिर खान निर्मित 'लाहोर 1947' आणि मणिरत्नमच्या 'ठग लाइ'फ यांसारख्या आगामी रिलीजच्या पार्श्वभूमीवर मिळाला आहे.

हेही वाचा -