मुंबई - Neetu kapoor birthday : बॉलिवूडमधील ज्येष्ठ अभिनेत्री नीतू कपूर आज 8 जुलै रोजी 66 वर्षांच्या झाल्या आहेत. त्यांचा वाढदिवस एका खास पद्धतीनं साजरा करण्यात आला आहे. सध्या त्या भारतात नसून स्वित्झर्लंडमध्ये आहेत. नीतू कपूर यांचा मध्यरात्री वाढदिवस मोठ्या थाटात साजरा केला गेला. आता त्यांचे काही फोटो आणि व्हिडिओ सोशल मीडियावर व्हायरल झाले आहेत. या वाढदिवसाच्या पार्टीत राहा कपूर, रणबीर कपूर आणि आलिया भट दिसले नाहीत. समोर आलेल्या फोटोंमध्ये, नीतू कपूर या वाढदिवस तीन खास लोकांबरोबर साजरा करत आहेत. या फोटोंमध्ये नीतू कपूर या मुलगी रिद्धिमा कपूर, जावई भरत साहनी आणि नात समारा साहनीबरोबर दिसत आहे.
नीतू कपूर यांनी स्वित्झर्लंडमध्ये केला वाढदिवस साजरा :रिद्धिमा कपूरनं आपल्या आईचा वाढदिवस खास बनवण्यात कोणतीही कसर सोडली नाही. आता रिद्धिमानं सोशल मीडियावर वाढदिवसाची झलक पोस्ट केली आहे. या व्हिडिओत नीतू कपूर खूप आनंदी दिसत असून केक कापण्यापूर्वी कुटुंबाबरोबर हॅपी बर्थडे गाणे गात आहे. याशिवाय दुसऱ्या एका फोटोमध्ये नीतू, रिद्धिमा आणि समारा यांची चांगली बाँडिंगही पाहायला मिळत आहे. नीतू कपूर यांचा अंदाज अनेकांना आवडत आहे. आता अनेक चाहते त्यांना त्यांच्या वाढदिवसाच्या शुभेच्छा देताना दिसत आहेत.