मुंबई - Kiara Advani 33rd Birthday Celebration : बॉलिवूडची सुंदर अभिनेत्री कियारा अडवाणीसाठी आज 31 जुलै हा दिवस खूप विशेष आहे. या दिवशी कियारा तिचा वाढदिवस साजरा करत असून तिचे काही फोटो सोशल मीडियावर व्हायरल झाले आहेत. आज कियारा 33 वर्षांची झाली आहे. सकाळपासून चाहते आणि सेलिब्रिटी कियाराला शुभेच्छा देत आहेत. दरम्यान कियारा अडवाणीनं तिच्या इन्स्टास्टोरीवर शुभेच्छा स्टेटस पोस्ट करून तिच्या सर्व चाहत्यांचे आभार मानले आहेत. दरम्यान, कियाराच्या वाढदिवसाच्या सेलिब्रेशनचे फोटो तिच्या चाहत्यांना खूप आवडत आहेत.
कियारा अडवाणीला दिल्या स्टार्सनं शुभेच्छा :कियाराच्या बर्थडे सेलिब्रेशनच्या सुंदर फोटोंवर अनेकजण आपल्या प्रतिक्रिया देत आहेत. बर्थडे सेलिब्रेशनच्या झलकमध्ये कियारा क्रीम कलरच्या ड्रेसमध्ये खूपच सुंदर दिसत आहे. चॉकलेट केक आणि फुलांबरोबर, कियाराच्या शेजारी भेटवस्तू ठेवल्या आहेत. आता कियाराच्या फोटोंवर चाहते काही व्हिडिओ आणि फोटो शेअर करून तिला वाढदिवसाच्या शुभेच्छा देत आहेत. तसेच बॉलिवूड स्टार्सनमध्ये कियाराला शाहिद कपूर, हुमा कुरेशी, मनीष मल्होत्रा, भूमी पेडणेकर, अथिया शेट्टी, मनीष पॉल, जॅकी भगनानी, रकुल प्रीत, परिणीती चोप्रा, मलायका अरोरा यांनी वाढदिवसाच्या शुभेच्छा दिल्या आहेत. कियाराचा पती सिद्धार्थ मल्होत्रानं देखील सोशल मीडियावर तिच्या वाढदिवसानिमित्त तिचा सुंदर फोटो शेअर करून तिला शुभेच्छा दिल्या आहेत. या फोटोच्या कॅप्शनमध्ये त्यानं लिहिलं, "वाढदिवसाच्या शुभेच्छा लव्ह, हा फोटो हे सर्व सांगते. माझ्या माहितीमधील तू सर्वात दयाळू व्यक्ती आहेस."