'भूल भुलैया 3'ची शूटिंग सुरू; कार्तिक आर्यन देवापुढे नतमस्तक

Bhool Bhulaiyaa 3 Shooting Today : अभिनेता कार्तिक आर्यन 'भूल भुलैया 3'च्या शूटिंगसाठी सज्ज झाला आहे. आता त्यानं सोशल मीडियावर एक फोटो शेअर केला आहे. या फोटोमध्ये तो देवाजवळ चित्रपटासाठी आशीर्वाद मागताना दिसत आहे.

मुंबई - Bhool Bhulaiyaa 3 Shooting Today :हिंदी चित्रपटसृष्टीचा 'रूह बाबा' कार्तिक आर्यन पुन्हा एकदा आपली रुपेरी पडद्यावर जादू दाखवण्यासाठी सज्ज झाला आहे. कार्तिक आज 9 मार्च रोजी त्याचा पुढील चित्रपटाचे म्हणजेच 'भूल भुलैया 3'च्या शूटिंगसाठी सज्ज झाला आहे. कार्तिकनं भूल 'भुलैया 2' मध्ये जबरदस्त कामगिरी करून चाहत्यांचे मनं जिंकले आणि म्हणूनच तो 'भूल भुलैया 3' या चित्रपटाद्वारे पुनरागमन करत आहे. आज 9 मार्च रोजी कार्तिक आर्यननं स्वतःचा एक फोटो शेअर केला आहे आहे. आता तो 'भूल भुलैया 3' चित्रपटाच्या शूटिंगला सुरुवात करणार आहे.

कार्तिक आर्यन आजपासून 'भूल भुलैया 3'चं शुटिंग करणार: 'भूल भुलैया 3' चित्रपटाचे शूटिंग सुरू करण्यापूर्वी कार्तिक आर्यननं त्याच्या घरी पूजा करून देवाजवळ हात जोडून आशीर्वाद मागितला आहे. कार्तिकचा मंदिरात पूजा करतानाचा फोटो सोशल मीडियावर व्हायरल होत आहे. याशिवाय कार्तिकनं त्याचा हा फोटो इंस्टाग्राम अकाउंटवर शेअर केला आहे. या फोटोवर त्यानं कॅप्शनमध्ये लिहिलं, ''आज मी माझ्या करिअरमधील सर्वात मोठा हिट चित्रपट 'भूल भुलैया 3'चं शुटिंग सुरू करणार आहे.'' अनीस बज्मी 'भूल भुलैया 3'चं दिग्दर्शन करणार आहेत. या चित्रपटामध्ये कार्तिक आर्यन व्यतिरिक्त माधुरी दीक्षित आणि विद्या बालन देखील महत्त्वाच्या भूमिकेत दिसणार आहेत.

'भूल भुलैया 3' दिसणार तृप्ती दिमरी : 'भूल भुलैया 3'मध्ये 'ॲनिमल' फेम अभिनेत्री तृप्ती दिमरी कियारा अडवाणीऐवजी मुख्य भूमिकेत दिसणार आहे. कार्तिक आर्यन स्टारर 'भूल भुलैया 2' हा चित्रपट 20 मे 2022 रोजी रुपेरी पडद्यावर प्रदर्शित झाला होता. हा चित्रपट बॉक्स ऑफिसवर हिट ठरला. या चित्रपटामधील कार्तिकचा अभिनय अनेकांना आवडला होता. या चित्रपटामधील गाणं 'मेरे ढोलना, सुन मेरे प्यार की धुन' हे खूप हिट झालं होतं. हा चित्रपट हॉरर आणि कॉमेडी असल्यानं अनेकांना पसंत पडला होता. आता 'भूल भुलैया 3'कडून देखील कार्तिकला खूप अपेक्षा आहेत. हा चित्रपट कधी प्रदर्शित होणार याबाबत अद्याप कोणतीही माहिती देण्यात आलेली नाही.

हेही वाचा :