मुंबई - John cena and shahrukh khan : अनंत अंबानी आणि राधिका मर्चंट यांनी 12 जुलै रोजी मुंबईतील जिओ वर्ल्ड कन्व्हेन्शन सेंटरमध्ये लग्न केलं. अनंत आणि राधिकाच्या भव्य लग्नानंतर, अंबानी कुटुंबानं या जोडप्यासाठी शुभ आशीर्वाद समारंभाचे आयोजन केले होते. यामध्ये काही धार्मिक विधी झाल्या. यावेळी बॉलिवूड आणि हॉलिवूडमधील स्टार्स देखील उपस्थित होते. तसेच राजकारण,क्रिडा आणि औद्योगिक जगतातील दिग्गजांनीही हजेरी लावली होती. अनंत आणि राधिकाच्या लग्नाला सुपरस्टार शाहरुख खान आणि जॉन सीना यांनीही देखील उपस्थित होते.
जॉन सीनानं शेअर केली पोस्ट :लग्नादरम्यान बॉलिवूडचा बादशाह म्हणजेच शाहरुख खानला भेटल्यानंतर जॉन सीना हा उत्साहित झाला होता. किंग खानला भेटल्याचा आनंद त्यानं सोशल मीडियावर व्यक्त केला आहे. जॉन सीनानं शाहरुखबरोबरचा फोटो शेअर केला आहे. जॉन सीनानं शनिवारी त्याच्या सोशल मीडिया अकाउंटवर फोटो शेअर करत लिहिलं, "एक अतिवास्तव 24 तास. अतुलनीय प्रेमळपणा आणि आदरातिथ्याबद्दल अंबानी कुटुंबाचे आभारी आहे. अनेक अविस्मरणीय क्षणांनी भरलेला एक अनुभव, ज्यानं मला शाहरुख खानला प्रत्यक्ष भेटणे यासह असंख्य नवीन मित्रांशी संपर्क साधायला मिळाला. त्याचा माझ्या जीवनावर सकारात्मक परिणाम झाला आहे."