'फ्रेंडशिप डे'निमित्त पाहू शकता बॉलिवूडमधील टॉप 5 चित्रपट - Friendship Day 2024

Friendship Day 2024 : ऑगस्टचा पहिला रविवार मैत्रीला समर्पित करण्यात आला आहे. या दिवशी जगभरात 'फ्रेंडशिप डे' साजरा केला जातो. या निमित्तानं आम्ही तुम्हाला मैत्रीला समर्पित काही चित्रपट सांगणार आहोत.

मुंबई - Friendship Day 2024: मैत्री हे एक असं नातं आहे, जे तुम्ही स्वतः तयार करता. बाकीची नाती आपोआप तयार होतात, जसे आई-वडील, भाऊ-बहीण आणि नवरा-बायकोची जोडीही नशिबावर अवलंबून असते. पण मैत्री हे एक नातं आहे जे तुम्ही स्वतः निवडू शकता. फ्रेंडशिप डे आज 4 ऑगस्ट रोजी साजरा केला जात आहे. हा दिवस सर्वांसाठीचं खूप महत्वाचा आहे. मैत्रीचं नात हे सर्वासाठी खूप विशेष आहे. बॉलिवूडमध्ये असे अनेक चित्रपट बनले आहेत, जे मैत्रीवर आधारित आहे. या विशेष दिवशी आम्ही तुमच्यासाठी काही निवडक चित्रपट घेऊन आलो आहोत, जे तुम्ही तुमच्या मित्रांबरोबर आज पाहून हा सुंदर दिवस साजरा करू शकता.

'जाने तू...या जाने ना' (2008) : 'जाने तू...या जाने ना' हा चित्रपट तुम्हाला नक्की आवडेल. या चित्रपटामध्ये जय आणि अदितीमध्ये घट्ट मैत्रीचं नात दाखविण्यात आलं आहे. यानंतर दोघे कसे प्रेमात पडतात हे खूप विशेष पद्धतीनं मांडलं गेलं आहे. इमरान खान आणि जेनेलिया डिसूझा यांच्या प्रमुख भूमिका असलेल्या या चित्रपटातील प्रत्येक सीन तुमच्या हृदयाला स्पर्श करेल. हा चित्रपट तुम्ही नेटफ्लिक्सवर पाहू शकता.

'ये जवानी है दिवानी' (2013) :2013मध्ये रिलीज झालेला अयान मुखर्जीचा 'ये जवानी है दिवानी' हा चित्रपट खूप उत्तम आहे. रणबीर कपूर आणि दीपिका पदुकोण यांची ऑन-स्क्रीन केमिस्ट्री आणि कल्की कोचलिन आणि आदित्य रॉय कपूर यांच्याबरोबरची त्यांची बॉन्डिंग खूप लोकप्रिय झाली आहे. या फ्रेंडशिप डेवर, तुम्ही तुमच्या मित्रांबरोबर या चित्रपटाचा आनंद घेऊ शकता.

'कुछ कुछ होता है' (1998) : 'कुछ कुछ होता है ' हा चित्रपट क्लासिक मानला जातो. या चित्रपटातील गाण्यांबरोबरच, यामधील डायलॉग देखील उत्कृष्ट आहेत आणि आजही अनेकजण चित्रपटांमधील 'प्यार ही दोस्ती है' हा डायलॉग म्हणताना दिसतात. यावर अनेक रिल्स देखीस बनविण्यात आले आहेत. या चित्रपटात शाहरुख खान, काजोल आणि राणी मुखर्जी यांच्या प्रमुख भूमिका आहेत.

'3 इडियट्स' (2009) : '3 इडियट्स'मध्ये एका अभियांत्रिकी महाविद्यालयात शिकणाऱ्या तीन मित्रांबद्दलची कहाणी खूप सुंदर पद्धतीनं मांडली गेली आहे . खऱ्या मैत्रीचे मूल्य या चित्रपटात आहेत. खऱ्या मित्रांसह, कोणीही त्यांच्यासमोरील जीवनातील कठीण आव्हानाचा सामना करू शकतो, हे दिग्दर्शक राजकुमार हिरानी यांनी आपल्या चित्रपटातून दाखवलं आहे.

'जिंदगी ना मिलेगी दोबारा' (2011) : हृतिक रोशन, फरहान अख्तर, अभय देओल, कतरिना कैफ, कल्की कोचलिन यांसारख्या दिग्गज कलाकारांची भूमिका असलेला 'जिंदगी ना मिलेगी दोबारा' हा चित्रपट 2011 मध्ये प्रदर्शित झाला होता. हा चित्रपट चार मित्रांवर आधारित आहे, जे आपल्या मित्राच्या लग्नाआधी आठवडाभराच्या स्पेनच्या सहलीला जातात. या फ्रेंडशिप डेवर तुम्ही हा चित्रपट नक्की पाहा.