मुंबई Akshay Kumar :बॉलिवूड अभिनेता अक्षय कुमार दिग्दर्शक प्रियदर्शनबरोबर एक हॉरर-कॉमेडी चित्रपट करणार असल्याचं बोललं जात आहे. 'खट्टा मीठा'च्या 14 वर्षानंतर दोघे पुन्हा एकत्र येणार आहेत. या चित्रपटाची घोषणा 9 सप्टेंबर रोजी करण्यात येणार आहे. याच दिवशी अक्षय कुमारचा 57वा वाढदिवस आहे. मिळालेल्या माहितीनुसार, अक्षय त्याच्या वाढदिवसाच्या दिवशी चित्रपटाचं मोशन पोस्टर रिलीज करून चाहत्यांना एक मोठं सरप्राईज देऊ शकतो. या दिवशी या चित्रपटाचं शीर्षक देखील समोर येईल. अक्षयनं 'हेरा फेरी', 'भूल भुलैया', 'भागम भाग', 'दे दना दान', 'खट्टा मीठा' आणि 'गरम मसाला' यांसारख्या यशस्वी चित्रपटांमध्ये प्रियदर्शनबरोबर काम केलय.
अक्षय कुमारचा येईल हॉरर-कॉमेडी चित्रपट : प्रियदर्शन हा चित्रपटाचं पहिलं मोशन पोस्टर बनवण्यासाठी जुलैमध्ये मुंबईत आला होता. या हॉरर कॉमेडी चित्रपटाची शूटिंग या वर्षाच्या अखेरीस सुरू होईल. हा चित्रपट रुपेरी पडद्यावर 2025 मध्ये रिलीज होण्याची शक्यता आहे. या चित्रपटाचे शूटिंग केरळ, हैदराबाद आणि श्रीलंकेच्या जंगलात होणार आहे. यानंतर शेवटचे शेड्यूल गुजरातमध्ये शूट केले जाईल. मोशन पोस्टरमध्ये अक्षयच्या व्यक्तिरेखेची माहिती समोर येण्याची शक्यता असली तरी, अद्याप या चित्रपटाबाबत अधिकृतपणे काहीही समोर आलेलं नाही. या चित्रपटात अक्षय हा तीन अभिनेत्रींबरोबर रोमान्स करताना दिसणार आहे. चित्रपटाची थीम काळ्या जादूवर असणार आहे.