सेंच्युरियन Wicket On 1st Ball : क्रिकेट विश्वात बॉक्सिंग-डे कसोटी सामन्याला खूप महत्त्व आहे. विशेषत: ऑस्ट्रेलिया आणि दक्षिण आफ्रिकेत दरवर्षी 26 डिसेंबरपासून काही कसोटी सामने सुरु होतात. या दोन देशांसाठी कसोटी क्रिकेट खेळणाऱ्या प्रत्येक खेळाडूला बॉक्सिंग-डे कसोटीचा भाग व्हायचं असतं. एखाद्या खेळाडूला अशा कसोटीत पदार्पण करण्याची संधी मिळाली तर त्याला आणखीनच विशेष वाटतं. एकीकडे युवा सलामीवीर सॅम कॉन्स्टंट्सनं मेलबर्नमधील भारत-ऑस्ट्रेलिया कसोटीत जबरदस्त अर्धशतक झळकावलं, तर दुसरीकडं दक्षिण आफ्रिका-पाकिस्तान यांच्यातील सेंच्युरियनमध्ये झालेल्या कसोटीत वेगवान गोलंदाज कॉर्बिन बॉशनं पदार्पण करत आपल्या खेळाची निर्मिती केली. कारकिर्दीतील पहिल्याच चेंडूवर विकेट घेऊन इतिहास रचला.
An honour, and a privilege 🇿🇦
— Proteas Men (@ProteasMenCSA) December 26, 2024
Corbin Bosch makes his 2nd debut in less than a week for the Proteas. As Wiaan Mulder hands him his test-cricket cap for the Proteas! 🧢👏#WozaNawe #BePartOfIt#SAvPAK pic.twitter.com/D0CZiax7If
पाकिस्तानची सुरळीत सुरुवात : दक्षिण आफ्रिका आणि पाकिस्तान यांच्यातील 2 कसोटी सामन्यांच्या मालिकेतील पहिला सामना गुरुवार 26 डिसेंबरपासून सेंच्युरियनमधील सुपरस्पोर्ट पार्क इथं सुरु झाला. दक्षिण आफ्रिकेच्या संघानं प्रथम गोलंदाजी करण्याचा निर्णय घेतला. परंतु सुरुवातीच्या यशासाठी बराच काळ प्रतीक्षा करावी लागली. अनुभवी वेगवान गोलंदाज कागिसो रबाडा आणि अनुभवी वेगवान गोलंदाज मार्को जॅन्सन यांनी सातत्यपूर्ण गोलंदाजी केली पण तरीही त्यांना यश मिळालं नाही. सलामीवीर पाकिस्तानचा कर्णधार शान मसूद आणि युवा फलंदाज सैम अयुब यांनी दमदार सुरुवात केली.
Bosch gets a wicket on his test-match debut.
— Proteas Men (@ProteasMenCSA) December 26, 2024
Followed by a wicket-maiden over from Paterson!👏🏏
🇵🇰Pakistan are now 40/2 after 16 overs played. #WozaNawe #BePartOfIt #SAvPAK
बॉशनं पहिल्याच चेंडूवर मिळवून दिलं यश : अपेक्षेच्या विरुद्ध दक्षिण आफ्रिकेला पहिल्या तासात कोणतंही यश मिळालं नाही. गोलंदाजीत बदल करत डॅन पॅटरसनला मैदानात उतरवलं पण त्यालाही लगेच विकेट मिळाली नाही. त्यानंतर 15व्या षटकात दक्षिण आफ्रिकेचा कर्णधार टेंबा बावुमानं झंझावाती वेगवान गोलंदाज कॉर्बिन बॉशला आक्रमणात आणलं आणि ही चाल कामी आली. या सामन्यात कसोटी पदार्पण करणाऱ्या बॉशनं पहिल्याच चेंडूवर पाकिस्तानी कर्णधार मसूदची विकेट घेत संघाला मोठं यश आणि दिलासा दिला.
How good have these two been?!😱
— Proteas Men (@ProteasMenCSA) December 26, 2024
Dane Paterson bringing up consecutive test match 5-wicket hauls and Corbin Bosch on the verge of his 5'ver on debut.
They have been on FIRE!🔥😃👊#WozaNawe#BePartOfIt #SAvPAK pic.twitter.com/ME936UmU46
135 वर्षांत पहिल्यांदाच घडला चमत्कार : यासह, कॉर्बिन बॉश पदार्पणाच्या कसोटी सामन्यात पहिल्याच चेंडूवर विकेट घेणारा दक्षिण आफ्रिकेचा पाचवा गोलंदाज ठरला. त्याच्याआधी बर्ट वोगलर (1906), डॅन पीट (2014), हार्डस विल्हौन (2016) आणि त्शेपो मोरेकी (2024) यांनी कसोटी पदार्पणात ही कामगिरी केली होती. पण बॉशनं जे केलं ते स्वतःच ऐतिहासिक आहे, जे इतर चार गोलंदाजांपेक्षा वेगळं आहे. 1889 पासून कसोटी क्रिकेट खेळत असलेल्या दक्षिण आफ्रिकेच्या 135 वर्षांच्या इतिहासातील बॉश हा पहिलाच गोलंदाज आहे, ज्यानं बॉक्सिंग-डे कसोटी सामन्यात पदार्पण करताना पहिल्याच चेंडूवर विकेट घेतली. यानंतर बॉशनं सौद शकीलची विकेटही घेतली. त्यानं सामन्यात 4 विकेट घेत पाकिस्तानच्या फलंदाजीला खिंडार पाडलं.
4 wickets on debut! 🔥
— Proteas Men (@ProteasMenCSA) December 26, 2024
A huge round of applause for Corbin Bosch, who takes an incredible 4 wickets in his Test match debut, during the Pakistan 1st batting innings! 🙌
Passion personified! ✨🇿🇦#WozaNawe #BePartOfIt #SAvPAK pic.twitter.com/dsZGyXPAwb
हेही वाचा :
