मुंबई - Ram Mandir: श्रीरामाचा प्राणप्रतिष्ठापना सोहळा साजरा करण्यासाठी आता अयोध्या सज्ज झाली आहे. सुमारे 500 वर्षांच्या संघर्षानंतर अयोध्येतील ऐतिहासिक श्री राम मंदिरात श्रीरामच्या मूर्तीचा प्राणप्रतिष्ठापना होणार आहे. चित्रपटसृष्टीतील अनेक स्टार अयोध्येत 22 जानेवारी रोजी होणार्‍या मंदिरातील पुजेला सध्या जाताना दिसत आहे. या धार्मिक सोहळ्यासाठी अनेक कलाकारांना आमंत्रित करण्यात आलं आहे. मंदिराच्या उभारणीसाठी अनेक कलावंतांनी राम मंदिर ट्रस्टला देणगी दिली आहे. राम मंदिर प्राणप्रतिष्ठामध्ये सहभागी होण्यासाठी अनेक दिग्गज सेलिब्रिटींच्या नावांची चर्चा अनेक दिवसांपासून सुरू होती.
कंगना राणौत अयोध्येत पोहोचली : दरम्यान कंगना रणौत ही या अभिषेक सोहळ्यासाठी शनिवारी अयोध्येला पोहोचली आहे. विमानतळावरून तिचा एक व्हिडिओ व्हायरल होत आहे, ज्यामध्ये ती म्हणते की, ''जे अयोध्या धामला जातात, ते खूप पुण्य कमावतात. हे माझे सौभाग्य आहे की, प्रभू रामानं मला भेटायला येण्याची बुद्धी दिली आहे. काही लोक असे आहे की, ते दरबारात येत नाही.'' दरम्यान चैन्नईहून अभिनेता रजनीकांत आणि धनुषदेखील या सोहळ्यात उपस्थित राहण्यासाठी रवाना झाले आहेत.