भोपाळ MLA Pannalal Shakya on degree : मध्य प्रदेशातील गुना येथील भाजपा आमदाराचं एक अजब विधान सध्या चांगलंच चर्चेत आलं आहे. भाजपाचे आमदार पन्नालाल शाक्य म्हणाले, "कॉलेजची पदवी तुम्हाला मदत करणार नाही, मोटारसायकल दुरुस्तीचं म्हणजेच पंक्चरचं दुकान उघडा जेणेकरुन तुमचा उदरनिर्वाह होईल." पंतप्रधान कॉलेज ऑफ एक्सलन्सच्या उद्घाटन समारंभात शाक्य यांनी हे अजब वक्तव्य केलंय. यावेळी ऊर्जामंत्री प्रद्युम्न सिंह तोमर यांनी रिबीन कापून महाविद्यालयाचं उद्घाटन केलं.
नालंदा विद्यापीठाबाबत दिली माहिती :या कार्यक्रमात बोलताना आमदार पन्नालाल शाक्य म्हणाले, "मी जे काही बोलेन ते विज्ञान आणि गणिताचं सूत्र घेऊन सांगेन. समजून घ्या की ही महाविद्यालयं म्हणजेच शैक्षणिक संस्था आहेत. हे कॉम्प्रेसर हाऊस नाही, ज्यामध्ये डिग्रीनुसार हवा भरता येते आणि प्रमाणपत्र देऊन जाते. खरं तर शैक्षणिक संस्था म्हणजे ज्यात 'धाई अक्षर पढे सो पंडित होय, पोथी पढे-पढे जगमुआ पंडित भय ना कोई' नालंदा विद्यापीठ होते, ज्यात 12 हजार विद्यार्थी आणि 1200 शिक्षक होते. या महाविद्यालयात 18 हजार विद्यार्थी आहेत. 11 जणांनी नालंदा विद्यापीठ जाळलं होतं. 12 हजार विद्यार्थी फक्त मी एकटा काय करणार याचा विचार करत राहिले. त्यामुळं भारताचं ज्ञान संपलं आहे."