महाराष्ट्र

maharashtra

ETV Bharat / bharat

आर्म्स फोर्सच्या कंपनी कमांडरची नक्षलवाद्यांनी केली हत्या

Naxalites : नक्षलवाद्यांनी छत्तीसगड आर्म्स फोर्सच्या कंपनी कमांडरची कुऱ्हाडीने हत्या केली. शहीद जवान छत्तीसगड आर्म्स फोर्समध्ये कंपनी कमांडर म्हणून कार्यरत होते.

आर्म्स फोर्सच्या कंपनी कमांडरची नक्षलवाद्यांनी केली हत्या
आर्म्स फोर्सच्या कंपनी कमांडरची नक्षलवाद्यांनी केली हत्या

By ETV Bharat Marathi Team

Published : Feb 18, 2024, 7:12 PM IST

बीजापूर :Naxalites :नक्षलवाद्यांनी पुन्हा एकदा हिंसक कृत्य केलं आहे. दरभा कॅम्पमध्ये तैनात असलेल्या जवानाची नक्षलवाद्यांनी कुऱ्हाडीने वार करून हत्या केली. शहीद जवान छत्तीसगड आर्म्स फोर्समध्ये कंपनी कमांडर म्हणून कार्यरत होते. शहीद जवान भुर्या दर्भा कॅम्पमध्ये तैनात होते. त्यांच्या हत्येची माहिती मिळताच पोलीस पथक घटनास्थळी पोहोचलं. त्यांनी जवानाचं पार्थिव ताब्यात घेतलं. पोलिसांना घटनास्थळावरून नक्षलवाद्यांनी फेकलेले पॅम्प्लेट्सही सापडलं आहेत. नक्षलवाद्यांनी हत्येची जबाबदारी घेतली आहे.

CAF कंपनी कमांडर शहीद : कंपनी कमांडरच्या हौतात्म्यानंतर परिसरात शांतता पसरली होती. नक्षलवाद्यांना पकडण्यासाठी पोलिसांच्या पथकाने शोधमोहीम सुरू केली. जवान भुर्या शहीद झाल्याच्या वृत्ताला पोलीस अधीक्षक जितेंद्र यादव यांनी दुजोरा दिला आहे. सैनिकांनी विजापूर आणि सुकमा सीमेवर शोधमोहीम तीव्र केली आहे. या हत्येमध्ये सहभागी असलेल्या नक्षलवाद्यांना पकडण्यासाठी पोलिसांनी माहिती देणाऱ्यांनाही सतर्क केलं आहे.

नक्षलवाद्यांच्या स्मॉल ॲक्शन टीमने हल्ला करून CAF कंपनी कमांडर तिजाऊ राम भुर्या यांना ठार केलं. शहीद जवान दरभा कॅम्पमध्ये तैनात होते. नक्षलवाद्यांना पकडण्यासाठी मोठ्या प्रमाणावर सर्च ऑपरेशन सुरू करण्यात आलं आहे. या हत्येतील सर्व नक्षलवाद्यांना पोलीस लवकरच पकडतील. -जितेंद्र यादव, पोलीस अधीक्षक

हुतात्मा पोलीसाला अंतिम मानवंदना : हुतात्मा जवान तिजाऊ राम भुर्या यांना पोलीस लाईन, नया पारा येथे अंतिम मानवंदना देण्यात येणार आहे. बस्तरमध्ये नक्षलविरोधी मोहिमेचा भाग म्हणून सैनिक नक्षलवाद्यांवर सातत्याने दबाव वाढवत आहेत. जवानांच्या वाढत्या दबावामुळे नक्षलवादी जेरीस आले आहेत. नुकतेच सुकमा येथेही नक्षलवाद्यांनी एका निरपराध गावकऱ्याचा खबऱ्या असल्याच्या संशयावरून गळा चिरून खून केला होता. गेल्या 36 महिन्यांत नक्षलवाद्यांनी चाळीसहून अधिक गावकऱ्यांची माहिती देणारा असल्याच्या संशयावरून हत्या केली आहे.

ABOUT THE AUTHOR

...view details