തൃശൂർ:ചെറുതുരുത്തി ദേശമംഗലത്ത് ചെറുമകൻ്റെ വെട്ടേറ്റ് മുത്തച്ഛൻ മരിച്ചു. ദേശമംഗലം സ്വദേശി അയ്യപ്പനാണ് (76) മരിച്ചത്. കൊച്ചുമകന്‍ രാഹുലിനെ ചെറുതുരുത്തി പൊലീസ് കസ്‌റ്റഡിയിലെടുത്തു. ഇന്നലെ (ഓഗസ്‌റ്റ് 18) രാവിലെ ഒമ്പത് മണിയോടെയായിരുന്നു സംഭവം.
പ്രതിക്ക് മാനസികപ്രശ്‌നങ്ങൾ ഉണ്ടായിരുന്നതായാണ് വിവരം. ചികിത്സയ്‌ക്ക് ശേഷം രാവിലെ വീട്ടിലെത്തിയ രാഹുല്‍ മുത്തച്‌ഛനെ അക്രമിക്കുകയായിരുന്നു. സംഭവത്തിൽ ചെറുതുരുത്തി പൊലീസും വിരലടയാള വിദഗ്‌ധരും സ്ഥലത്തെത്തി തെളിവെടുപ്പ് നടത്തി.