ന്യൂഡൽഹി:സിനിമ ചിത്രീകരണത്തിനിടെ നടി പ്രിയങ്ക ചോപ്രയ്ക്ക് പരിക്ക്. 'ദ ബ്ലഫ്' എന്ന സിനിമയുടെ ഷൂട്ടിങ്ങിനിടെയാണ് താരത്തിന് പരിക്കേറ്റത്. പ്രിയങ്ക തന്നെയാണ് മുറിവേറ്റ ചിത്രം പങ്കുവച്ചുകൊണ്ട് വിവരം ആരാധകരെ അറിയിച്ചത്.
ഇൻസ്റ്റഗ്രാം സ്റ്റോറിയിലാണ് സിനിമ നിർമാണ സമയത്തെ വെല്ലുവിളി നിറഞ്ഞ നിമിഷത്തെക്കുറിച്ച് പ്രിയങ്ക പറഞ്ഞത്. സംഘട്ടന രംഗത്തിനിടെ കഴുത്തിന് പരിക്കേൽക്കുകയായിരുന്നു. 'ജോലിയിലെ പ്രൊഫഷണൽ അപകടങ്ങൾ' എന്നും താരം ചിത്രത്തിനൊപ്പം കുറിച്ചു.