കാസർകോട്: അമ്മായിഅമ്മയെ കൊലപ്പെടുത്തിയ കേസിൽ മരുമകൾക്ക് ജീവപര്യന്തം തടവ് ശിക്ഷ. കാസർകോട് കൊളത്തൂരിലെ അമ്മാളുഅമ്മ വധക്കേസിലാണ് മകൻ്റെ ഭാര്യ അംബികയ്ക്ക് ജീവപര്യന്തം തടവും രണ്ട് ലക്ഷം രൂപ പിഴയും വിധിച്ചത്. 2014 ലാണ് കേസിനാസ്‌പദമായ സംഭവം. വീടിൻ്റെ ചായ്പ്പിൽ ഉറങ്ങിക്കിടക്കുകയായിരുന്ന അമ്മാളുവമ്മയെ മകൻ്റെ ഭാര്യ അംബിക കഴുത്ത് ഞെരിച്ചും തലയണകൊണ്ട് മുഖത്തമർത്തിയും നെെലോൺ കയർ ഉപയോഗിച്ച് കഴുത്തിൽ മുറുക്കിയും കൊലപ്പെടുത്തുകയായിരുന്നു.
ആത്മഹത്യയാണെന്ന് വരുത്തിതീ‌ക്കാൻ മൃതദേഹം കെട്ടിത്തൂക്കുകയും ചെയ്‌തു. പൊലീസ് ഉദ്യോഗസ്ഥർക്ക് തോന്നിയ ചില സംശയങ്ങളാണ് സംഭവം കൊലപാതകമാണെന്ന സംശയത്തിലെത്തിച്ചത്. അംബികയാണ് കൊലപാതകം നടത്തിയതെന്ന് കണ്ടെത്തിയ പൊലീസ് അമ്മാളുഅമ്മയുടെ മകൻ കമലാക്ഷൻ, ചെറുമകൻ എന്നിവരെയും പ്രതിചേർത്തു. എന്നാൽ ഇരുവരുടേയും പങ്ക് തെളിയിക്കാനാൻ പ്രോസിക്യൂഷനായില്ല.