വയനാട്:നാളെ (നവംബര്‍ 13) ഉപതെരഞ്ഞെടുപ്പ് നടക്കാനിരിക്കുന്ന വയനാട്ടിലും ചേലക്കരയിലും ഇന്ന് (നവംബര്‍ 12) നിശബ്‌ദ പ്രചാരണം. അവസാന ദിനമായ ഇന്ന് ബഹളങ്ങളൊന്നുമില്ലാതെ പരമാവധി വോട്ടര്‍മാരെ കണ്ട് വോട്ടുറപ്പിക്കാനുള്ള ശ്രമത്തിലാണ് സ്ഥാനാര്‍ഥികള്‍. പൗര പ്രമുഖരുമായുള്ള കൂടിക്കാഴ്‌ചകളും ചര്‍ച്ചകളുമാണ് സ്ഥാനാര്‍ഥികളുടെ ഇന്നത്തെ പ്രധാന പരിപാടി.
അതേസമയം വിവിധ ഇടങ്ങളില്‍ ഇന്ന് രാവിലെ എട്ട്‌ മണി മുതല്‍ പോളിങ് സാമഗ്രികളുടെ വിതരണം ആരംഭിക്കും. ചെറുതുരുത്തി സ്‌കൂളില്‍ നിന്നാണ് വോട്ടിങ് യന്ത്രങ്ങള്‍ അടക്കം വിതരണം ചെയ്യുക. ഉച്ചയോടെ വിതരണം പൂര്‍ത്തിയാക്കും.