കാസർകോട്: ബളാൽ പഞ്ചായത്ത് പ്രസിഡന്‍റിന്‍റെ വീട്ടിലും പഞ്ചായത്ത് ഓഫിസിലും വിജിലൻസ് റെയ്‌ഡ്. ബളാൽ പഞ്ചായത്ത് പ്രസിഡന്‍റ് രാജു കട്ടക്കയത്തിന്‍റെ മാലോത്തെ വീട്ടിലും ബളാൽ ഗ്രാമപഞ്ചായത്ത് ഓഫിസിലുമാണ് കോഴിക്കോട് നിന്നുള്ള വിജിലൻസിന്‍റെ പ്രത്യേക സംഘം റെയ്‌ഡ് നടത്തിയത്.
ഇന്ന് (ഓഗസ്റ്റ് 17) രാവിലെ ഏഴുമണിക്ക് തുടങ്ങിയ റെയ്‌ഡ് ഉച്ചക്ക് ശേഷവും തുടർന്നു. രേഖകൾ ഒന്നും പിടിച്ചെടുത്തതായി വിവരമില്ല. ശക്തമായ പൊലീസ് കാവലിൽ ആയിരുന്നു പരിശോധന.