പത്മനാഭ സ്വാമി ക്ഷേത്രത്തിലെ അൽപശി ആറാട്ട്; എഴുന്നള്ളിപ്പിനായി വിമാനത്താവള റൺവേ അടച്ചു ▶വീഡിയോ

വൈകിട്ട് 4 മണി മുതൽ 9 മണി വരെയാണ് പൈങ്കുനി ഉത്സവത്തിന്‍റെ ഭാഗമായി വിമാനത്താവള റൺവേ അടച്ചിട്ടത്.

തിരുവനന്തപുരം: പത്മനാഭ സ്വാമി ക്ഷേത്രത്തിലെ ആറാട്ട് മഹോത്സവത്തിന്‍റെ ഭാഗമായി തിരുവനന്തപുരം വിമാനത്താവളത്തിന്‍റെ റൺവേ വീണ്ടുമടച്ചു. വൈകിട്ട് 4 മണി മുതൽ 9 മണി വരെയാണ് പൈങ്കുനി ഉത്സവത്തിന്‍റെ സമാപനം കുറിച്ചുള്ള അൽപശി ഘോഷയാത്രയ്ക്കായി റൺവെ അടച്ചിട്ടത്.

പൊലീസ് ബാൻഡ്, കുതിര സേന എന്നിവയുടെ അകമ്പടിയോടെയാണ് ആയിരങ്ങൾ പങ്കെടുത്ത ഘോഷയാത്ര പത്മനാഭ സ്വാമി ക്ഷേത്രത്തിൽ നിന്നും പുറപ്പെട്ടത്. പടിഞ്ഞാറെ കോട്ട കടന്നു ഈഞ്ചക്കൽ, വള്ളക്കടവ് വഴിയാണ് ഘോഷയാത്ര വൈകിട്ട് 5:30ന് വിമാനത്താവളത്തിൽ പ്രവേശിച്ചത്.

ശംഖുമുഖം കടൽതീരത്ത് 5 കിലോമീറ്ററോളം സഞ്ചരിച്ച് ഘോഷയാത്ര എത്തി ചേർന്നപ്പോൾ വൈകിട്ട് 6 മണി കഴിഞ്ഞു. തുടർന്ന് പൂജകർമ്മങ്ങൾ പൂർത്തിയാക്കി രാത്രി 8 മണിക്ക് ശേഷം ഘോഷയാത്ര തിരികെ ക്ഷേത്രത്തിലേക്ക് മടങ്ങും. നൂറുകണക്കിന് ആളുകളാണ് ഘോഷയാത്ര കാണാൻ വഴിയരികിൽ കാത്തുനിന്നത്.