കോഴിക്കോട്: യാത്രക്കാര്‍ തിങ്ങി നിറഞ്ഞ കെഎസ്ആര്ടിസി ബസില്‍ നിന്ന് പുറത്തേക്ക് വീണ് വിദ്യാര്‍ത്ഥിക്ക് പരിക്കേറ്റു. കൂടരഞ്ഞി സെന്‍റ് സെബാസ്‌റ്റ്യന്‍ സ്‌കൂളിലെ പത്താം ക്ലാസ് വിദ്യാര്‍ത്ഥിക്കാണ് പരിക്കേറ്റത്.
കൈക്ക് പരിക്കേറ്റ കുട്ടിയെ സമീപത്തെ ഹെല്‍ത്ത് സെന്‍ററില്‍ പ്രവേശിപ്പിച്ച്‌ പ്രാഥമിക ചികിത്സ നല്‍കി.
കോഴിക്കോട് കൂടരഞ്ഞിയില്‍ ഇന്ന് വൈകിട്ട് 4.15 നാണ് അപകടമുണ്ടായത്. തിരുവമ്പാടിയില്‍ നിന്ന് കക്കാടംപൊയിലിലേക്ക് സര്‍വീസ് നടത്തുന്ന കെഎസ്ആര്ടിസി ബസ് കൂടരഞ്ഞിയില്‍ നിന്ന് ആളുകളെ കയറ്റി അല്‍പ ദൂരം മുന്നോട്ടു പോയ ഉടനെ പിന്നിലെ വാതില്‍ തുറന്ന് പോവുകയും വിദ്യാര്‍ത്ഥി തെറിച്ചുവീഴുകയുമായിരുന്നു.