കോഴിക്കോട്:കെഎസ്ആർടിസി ബസിന്‍റെ പിറകിൽ ബൈക്ക് ഇടിച്ച് വിദ്യാര്‍ഥി മരിച്ചു. മാവൂർ കൽപള്ളി സ്വദേശി ഇർഫാനാണ് (19) മരിച്ചത്. അരീക്കോടിന് സമീപം വാലില്ലാ പുഴയിൽ വച്ചാണ് അപകടമുണ്ടായത്. ഇന്ന് (ഓഗസ്റ്റ് 16) രാവിലെ എട്ടരയോടെയായിരുന്നു സംഭവം.
സഹപാഠിയുടെ എടക്കരയിലുള്ള വീട്ടിൽ പോയി മടങ്ങും വഴിയാണ് അപകടമുണ്ടായത്. ഒരേ ദിശയിൽ പോയ കെഎസ്ആർടിസി ബസ് സഡന്‍ ബ്രേക്കിട്ടതാണ് അപകടത്തിന് കാരണം. വേഗത്തിലെത്തിയ ബൈക്ക് ബസിന് പിന്നില്‍ ഇടിക്കുകയായിരുന്നു.