എടിഎമ്മിൽ മോഷണത്തിന് ശ്രമിച്ച യുവാവ് പിടിയിൽ (ETV Bharat)
കാസർകോട് :എടിഎമ്മിൽ മോഷണത്തിന് ശ്രമിച്ച യുവാവ് പിടിയിൽ. കുമ്പള സ്വദേശി മൂസ ഫഹദ് (22) ആണ് സൗത്ത് ഇന്ത്യൻ ബാങ്കിന്‍റെ മൊഗ്രാൽ ജങ്ഷനിലുള്ള എടിഎമ്മിൽ മോഷണത്തിന് ശ്രമിക്കുന്നതിനിടെ പിടിയിലാകുന്നത്. കേരള പൊലീസാണോ, ഗൾഫ് പൊലീസാണോ കുറ്റകൃത്യങ്ങൾ തെളിയിക്കുന്നതിൽ മിടുക്കരെന്ന് പരീക്ഷിച്ചതാണ് താനെന്നായിരുന്നു യുവാവ് പൊലീസിനോട് പറഞ്ഞത്. ജൂലൈ 31ന് പുലർച്ചെ ആയിരുന്നു കേസിനാസ്‌പദമായ സംഭവം.
പിടിയിലായ യുവാവ് കേരള പൊലീസ് തന്നെയാണ് കേമൻമാരെന്ന് സമ്മതിക്കുകയും പിടികൂടിയ ഉദ്യോഗസ്ഥരെ അഭിനന്ദിക്കുകയും ചെയ്‌തു. റോബിൻ ഹുഡ് സിനിമയിൽ നായകൻ നടത്തുന്ന എടിഎം കവർച്ച അനുകരിക്കാൻ ശ്രമിക്കുകയായിരുന്നുവെന്നും മൂസ ഫഹദ് മൊഴി നൽകി.