കാസര്‍കോട്:നീലേശ്വരത്ത് വെടിക്കെട്ടുപുരയ്ക്ക് തീപിടിച്ചുണ്ടായ അപകടത്തെ തുടർന്ന് ഒളിവിൽപോയ ക്ഷേത്രകമ്മിറ്റി ഭാരവാഹികൾക്കായി അന്വേഷണം ഊർജിതമാക്കി പൊലീസ്. കാഞ്ഞങ്ങാട് ഡിവൈഎസ്‌പി ബാബു പെരിങ്ങേത്തിന്‍റെ നേതൃത്വത്തിൽ എട്ടംഗ സംഘമാണ് കേസ് അന്വേഷിക്കുന്നത്.
അറസ്‌റ്റിലായ കമ്മിറ്റി പ്രസിഡന്‍റ് ഭരതൻ, സെക്രട്ടറി ചന്ദ്രശേഖരൻ, പടക്കങ്ങൾ പൊട്ടിച്ച രാജേഷ് എന്നിവരെ കോടതിയിൽ ഹാജരാക്കി റിമാൻഡ് ചെയ്‌തു. അനുമതിയില്ലാതെ സ്ഫോടകവസ്‌തു സൂക്ഷിച്ചതിന് ഇവരുൾപ്പെടെ ക്ഷേത്രഭാരവാഹികളായ എട്ടുപേർക്കെതിരേ ജാമ്യമില്ലാ വകുപ്പ് പ്രകാരം കേസെടുത്തിരുന്നു. അപകടത്തിൽ പരിക്കേറ്റവരുടെ മൊഴി ഇന്ന് (ഒക്‌ടോബർ 30) മുതൽ രേഖപ്പെടുത്തും.