എം എം ഹസ്സൻ മാധ്യമങ്ങളോട് (ETV Bharat)
തിരുവനന്തപുരം:ലോക്‌സഭ തെരഞ്ഞെടുപ്പ് ഫലം കേന്ദ്ര - സംസ്ഥാന സർക്കാരുകൾക്കെതിരായ ഭരണവിരുദ്ധ വികാരമെന്ന് യുഡിഎഫ് കൺവീനർ എം എം ഹസ്സൻ. കോൺഗ്രസ് ആസ്ഥാനമായ ഇന്ദിര ഭവനിൽ നടത്തിയ വാർത്ത സമ്മേളനത്തിൽ സംസാരിക്കുകയായിരുന്നു അദ്ദേഹം.
യുഡിഎഫിന് ലോക്‌സഭ തെരഞ്ഞെടുപ്പിൽ 43% വോട്ട് കിട്ടി. 111 നിയമസഭ മണ്ഡലങ്ങളിൽ യുഡിഎഫ് മുന്നേറ്റമുണ്ടായി. ബിജെപിയിലേക്ക് വോട്ട് ചോർന്നത് എൽഡിഎഫിൽ നിന്നുമാണെന്ന് പറഞ്ഞ ഹസ്സൻ ഇ പി ജയരാജനും പ്രകാശ് ജാവദേക്കറും തമ്മിലുള്ള കൂടിക്കാഴ്‌ചയിലെ അന്തർധാര എന്തായിരുന്നുവെന്നും ചോദിച്ചു.