കോഴിക്കോട് :ഹൈബ്രിഡ് കഞ്ചാവും അത് ഉപയോഗിക്കുന്ന ഉപകരണങ്ങളുമായി മൂന്ന് പേർ കുന്ദമംഗലം പൊലീസിൻ്റെ പിടിയിൽ. കുന്ദമംഗലം ആരാമ്പ്രം ബൊട്ടാണിക്കല്‍ ഗാര്‍ഡന് സമീപം പുതുതായി നിര്‍മിച്ച ആള്‍താമസം ഇല്ലാത്ത വീട്ടില്‍ നിന്നാണ് ഇവരെ പിടികൂടിയത്. സംഭവത്തിൽ വെണ്ണക്കാട് കബീര്‍, ആരാമ്പ്രം എടിയാടി പെയ്യയില്‍ സലിം, ആരാമ്പ്രം റിന്‍ഷാദ് എന്നിവരാണ് പിടിയിലായത്.
ഇവരുടെ കാറും പൊലീസ് കസ്റ്റഡിയിലെടുത്തിട്ടുണ്ട്. വീടിൻ്റെ താഴത്തെ നില ക്ലബ് ആയിട്ട് പ്രവര്‍ത്തിക്കുന്നതായും രണ്ട് വര്‍ഷമായി ഇവർ ലഹരി വില്‍ക്കുന്നതായും പൊലീസ് പറഞ്ഞു. വീട്ടിൽ എത്തുന്നവര്‍ക്ക് ലഹരി ആസ്വദിക്കാനുള്ള സൗകര്യങ്ങളും ഒരുക്കിയിട്ടുണ്ട്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക