പത്തനംതിട്ട : പതിനെട്ടാംപടിയിലെ ഫോട്ടോഷൂട്ട് വിവാദത്തില്‍ 23 പൊലീസ് ഉദ്യോഗസ്ഥർക്ക് നല്ലനടപ്പ് പരിശീലനം. എഡിജിപി എസ്‍ ശ്രീജിത്താണ് പൊലീസുകാര്‍ക്കെതിരെ നടപടിയെടുക്കാൻ നിര്‍ദേശം നല്‍കിയത്. പതിനെട്ടാംപടിയിൽ നിന്ന് ഫോട്ടോയെടുത്ത എസ്‍എപി ക്യാമ്പസിലെ 23 പൊലീസുകാരും നല്ല നടപ്പ് പരിശീലനത്തിന് വിധേയമാകണമെന്ന് എഡിജിപി എസ്‍ ശ്രീജിത്ത് നിര്‍ദേശം നല്‍കി.
സംഭവത്തിൽ പൊലീസ് നാളെ ഹൈക്കോടതിയിൽ റിപ്പോർട്ട് നൽകും. ശബരിമലയിലെ പതിനെട്ടാംപടിയിൽ പുറം തിരിഞ്ഞിരുന്ന് പൊലീസുകാര്‍ ഫോട്ടോഷൂട്ട് നടത്തിയത് ഏറെ വിവാദവും വിമർശനവും ഉയർത്തിയിരുന്നു. ഫോട്ടോ സമൂഹ മാധ്യമങ്ങളിൽ പ്രചരിച്ചതോടെയാണ് എസ്‍എപി ക്യാമ്പസിലെ പൊലീസുകാർ പ്രതിക്കൂട്ടിലായത്.