എറണാകുളം: ലൈംഗിക പീഡനക്കേസിൽ നടൻ സിദ്ദീഖ് നൽകിയ മുൻകൂർ ജാമ്യ ഹർജിയിൽ ഹൈക്കോടതി സർക്കാരിന്‍റെ വിശദീകരണം തേടി. ഹർജി ഈ മാസം 13 ന് ഹൈക്കോടതി വീണ്ടും പരിഗണിക്കും. നടിയുടെ പരാതി അടിസ്ഥാനരഹിതമാണെന്ന വാദമുയർത്തിയാണ് സിദ്ദീഖ് മുൻകൂർ ജാമ്യാപേക്ഷ നൽകിയിരുന്നത്.
പരാതിക്കാരി പൊലീസിന് നല്‍കിയ മൊഴിയില്‍ വ്യക്തതയില്ല. സംഭവത്തിന്‍റെ തീയതി ഓർമയില്ലെന്ന നടിയുടെ വാദം സംശയകരമാണ്. താൻ ബലാത്സംഗം ചെയ്‌തുവെന്ന ആരോപണം തെറ്റാണെന്നും മുൻകൂർ ജാമ്യ ഹർജിയിൽ സിദ്ദീഖ് വാദിക്കുന്നുണ്ട്. വർഷങ്ങൾക്ക് മുമ്പ് യുവതി ഉന്നയിച്ച ആരോപണങ്ങളിൽ ബലാത്സംഗ പരാതി ഉണ്ടായിരുന്നില്ലെന്നും ഹർജിയിൽ പറയുന്നു.