തിരുവനന്തപുരം :ജസ്‌ന തിരോധാന കേസില്‍ സിബിഐ സമർപ്പിച്ച അന്തിമ റിപ്പോർട്ട് തള്ളി തുടരന്വേഷണം നടത്തണമെന്ന ആവശ്യം ഉന്നയിച്ച് ജസ്‌നയുടെ പിതാവ് സമര്‍പ്പിച്ച ഹര്‍ജി കോടതി സ്വീകരിച്ചു. തിരുവനന്തപുരം ചീഫ് ജുഡീഷ്യൽ മജിസ്‌ട്രേറ്റ് കോടതിയാണ് കേസില്‍ ഹര്‍ജി സ്വീകരിച്ചത്. ഹര്‍ജിയില്‍ മറുപടി നല്‍കാൻ സിബിഐയ്‌ക്ക് രണ്ടാഴ്‌ച സമയം കോടതി നല്‍കി.
ജസ്‌ന തിരോധാനത്തിന് പിന്നില്‍ തീവ്രവാദ സംഘടനകള്‍ക്ക് പങ്കുണ്ടെന്നോ, ജസ്‌ന മതപരിവർത്തനം നടത്തിയെന്നോ കണ്ടെത്താൻ കഴിഞ്ഞിട്ടില്ല. കൂടാതെ, ജസ്‌ന മരണപ്പെട്ടുവെന്ന് സ്ഥാപിക്കാൻ കഴിയുന്ന തെളിവുകളും ലഭിച്ചിട്ടില്ല എന്നായിരുന്നു സിബിഐ സമര്‍പ്പിച്ച അന്തിമ റിപ്പോര്‍ട്ടിലുണ്ടായിരുന്നത്.