കാലവർഷം; 'പൊതുജനങ്ങൾ ജാഗ്രത പാലിക്കണം': നിര്‍ദേശം നല്‍കി ഇടുക്കി ജില്ല കലക്‌ടർ - INSTRUCTIONS DUE RAINFALL IN IDUKKI

മഴയെത്തുടർന്ന് ഇടുക്കി ജില്ലയിൽ രാത്രിയാത്ര നിരോധനം ഏർപ്പെടുത്തിയ സാഹചര്യത്തിൽ ദുരന്ത നിവാരണ അതോറിറ്റിയും ജില്ല ഭരണകൂടവും നൽകുന്ന നിർദേങ്ങൾ പാലിക്കാൻ ജില്ല കലക്‌ടർ പറഞ്ഞു.

ഇടുക്കി :മഴ കനത്ത സാഹചര്യത്തിൽ പൊതുജനങ്ങൾ ജാഗ്രത പാലിക്കണമെന്ന് ഇടുക്കി ജില്ലാ കലക്‌ടർ ഷീബ ജോർജ്. ജില്ല ഭരണകൂടവും ദുരന്ത നിവാരണ അതോറിറ്റിയും നൽകുന്ന മുന്നറിയിപ്പുകൾ അവഗണിക്കരുതെന്ന് പറഞ്ഞു. രാത്രികാലങ്ങളിൽ മലയോര ഭാഗങ്ങളിലൂടെയുള്ള യാത്ര ഒഴിവാക്കണമെന്നും തോടുകളിലും അരുവികളിലും ഇറങ്ങരുതെന്നും കലക്‌ടര്‍ നിർദേശിച്ചു.

ദുരന്ത നിവാരണ പ്രതിരോധ പ്രവർത്തനങ്ങളിൽ ഏത് അടിയന്തര സാഹചര്യവും നേരിടാൻ ജില്ല സജ്ജമാണെന്ന് കലക്‌ടർ പറഞ്ഞു. എന്നാൽ പൊതുജനങ്ങളുടെ സഹകരണം കൂടി ഇക്കാര്യത്തിൽ വേണമെന്നും ജില്ല ഭരണകൂടവും നിര്‍ദേശങ്ങള്‍ കർശനമായി പാലിക്കണമെന്നും കലക്‌ടർ നിര്‍ദേശിച്ചു.