കേരളം

kerala

ETV Bharat / state

ഭാര്യവീട്ടിൽ അതിക്രമിച്ചുകയറി ഭാര്യയെയും അമ്മയെയും ആക്രമിച്ചു; യുവാവ് അറസ്‌റ്റിൽ - Husband Attacked Wife And Mother - HUSBAND ATTACKED WIFE AND MOTHER

ഭാര്യയെയും ഭാര്യാ മാതാവിനെയും ആക്രമിച്ച യുവാവിനെ പന്തളം പൊലീസ് പിടികൂടി. പ്രതി പിടിയിലായത് നാടുവിടാനുളള തയ്യാറെടുപ്പിനിടെ.

ഭാര്യയെയും അമ്മയെയും ആക്രമിച്ചു  PATHANAMTHITTA CRIMES  MALAYALAM LATEST NEWS  HUSBAND ATTACK WIFE PATHANAMTHITTA
AR Anuraj (ETV Bharat)

By ETV Bharat Kerala Team

Published : Oct 6, 2024, 6:26 AM IST

പത്തനംതിട്ട:ഭാര്യയെയും മാതാവിനെയും വീട്ടിൽ കയറി ആക്രമിച്ച യുവാവിനെ സാഹസികമായി പിടികൂടി പന്തളം പൊലീസ്. അടൂർ പെരിങ്ങനാട് മേലൂട് പന്നി വേലിക്കൽ അനുരാജ് ഭവനം വീട്ടിൽ എ ആർ അനുരാജ്(34) ആണ് അറസ്‌റ്റിലായത്. പിണങ്ങി കഴിയുന്ന ഭാര്യയെ കാണാൻ അനുവദിക്കാത്തതിലുള്ള വിരോധമാണ് ആക്രമണത്തിന് കാരണമെന്ന് പൊലീസ് അറിയിച്ചു.

അനുരാജിന്‍റെ ഭാര്യ രാജി രാജ്, അമ്മ ലക്ഷ്‌മി എന്നിവർക്കാണ് മർദനമേറ്റത്. തുടർന്ന് ഇരുവരും അടൂർ ഗവൺമെന്‍റ് ആശുപത്രിയിൽ ചികിത്സ തേടി. ആശുപത്രിയിലെത്തിയും ഇവരെ ഇയാൾ ഭീഷണിപ്പെടുത്തുകയും ഉപദ്രവിക്കാൻ ശ്രമിക്കുകയും ചെയ്‌തു.

വ്യാഴാഴ്‌ച (ഒക്‌ടോബര്‍ 3) രാത്രി എട്ട് മണിയോടെ കുരമ്പാല സൗത്ത് മയിലാടും കുളത്തിലുള്ള ഭാര്യയുടെ വീട്ടിലെത്തിയ അനിരാജ് തന്‍റെ ഭാര്യയായ രാജിയെയും കുഞ്ഞിനെയും കാണണമെന്ന് ആവശ്യപ്പെട്ടു. രാവിലെ വരാൻ പറഞ്ഞപ്പോൾ അസഭ്യം വിളിച്ചും കൊല്ലുമെന്ന് ഭീഷണിപ്പെടുത്തിയും ആക്രമിക്കുകയായിരുന്നു. യുവതിയെയും മാതാവിനെയും ഇയാൾ ക്രൂരമായ മർദിച്ചു.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക

ഭയന്ന് വീടിനുള്ളിൽ കയറി കതകടച്ചപ്പോൾ അടുക്കളയുടെ കതക് ബലം പ്രയോഗിച്ച് തുറന്ന് ഉള്ളിൽ കയറി വീണ്ടും ഉപദ്രവിച്ചു. ഭിത്തിയോട് ചേർത്തുവച്ച് മർദിച്ചു. ലക്ഷ്‌മിയുടെ നട്ടെല്ലിന് ക്ഷതമേറ്റിട്ടുണ്ട്.

വീട്ടുകാരുടെ പരാതിയിൽ പന്തളം പൊലീസ് കേസെടുത്ത് അന്വേഷണം തുടങ്ങിയെന്ന് മനസിലാക്കിയ യുവാവ് നാടുവിടാനുളള തയ്യാറെടുക്കുന്നതിനിടെയാണ് പിടിയിലാവുന്നത്. അതിരമലയിൽ വച്ച് കസ്‌റ്റഡിയിലിടുക്കവെ പ്രതി പൊലീസിനെ ആക്രമിക്കാൻ ശ്രമിച്ചു. ഏറെ പണിപ്പെട്ട് മൽപ്പിടിത്തത്തിലൂടെയാണ് പൊലീസ് സംഘം പ്രതിയെ കീഴടക്കിയത്.

Also Read:ഭാര്യ സോഷ്യല്‍ മീഡിയയില്‍ സജീവം; കഴുത്ത് ഞെരിച്ച് കൊന്ന് ഭര്‍ത്താവ്

ABOUT THE AUTHOR

...view details