നാട്ടുകാര്‍ പിടികൂടിയ സംഘം (Source: Etv Bharat Reporter)
മലപ്പുറം:പരപ്പനങ്ങാടി ആലുങ്ങൽ ബീച്ചിൽ തോക്കുകളും മാരകായുധങ്ങളുമായി എത്തിയ സംഘത്തെ നാട്ടുകാര്‍ സാഹസികമായി പിടികൂടി പൊലീസിലേല്‍പ്പിച്ചു. ആലുങ്ങൽ ബീച്ചിൽ ഇന്നലെ രാത്രി എട്ട് മണിയോടെയാണ് നാടകീയ രംഗങ്ങള്‍ അരങ്ങേറിയത്. മട്ടാഞ്ചേരിയിൽ നിന്ന് അഞ്ചംഗ സംഘം ആലുങ്ങൽ ബീച്ചിൽ എത്തുകയായിരുന്നു.
വാഹനത്തില്‍ വടിവാൾ ഉൾപ്പെടെയുളള മാരകായുധങ്ങള്‍ ശ്രദ്ധയിൽപ്പെട്ട നാട്ടുകാർ സംഘത്തെ ചോദ്യം ചെയ്‌തു. അപ്പോള്‍ സംഘത്തിലെ ഒരാൾ നാട്ടുകാർക്കെതിരേ തോക്കുചൂണ്ടി. ഇതോടെ അക്രമി സംഘത്തെ നാട്ടുകാർ ശക്തമായി നേരിട്ടു.