മുതലപ്പൊഴിയില്‍ മത്സ്യബന്ധന വള്ളം മറിഞ്ഞ് അപകടം; ഒരാൾ മരിച്ചു - Muthalappozhi boat accident

മുതലപ്പൊഴിയിൽ മത്സ്യബന്ധനത്തിന് പോകവേ അഴിമുഖത്തെ ശക്തമായ തിരയടിയിൽപ്പെട്ട്‌ വള്ളം മറിഞ്ഞ്‌ ഒരാൾ മരിച്ചു

തിരുവനന്തപുരം : മുതലപ്പൊഴിയിൽ മത്സ്യബന്ധന വള്ളം മറിഞ്ഞുണ്ടായ അപകടത്തിൽ ഒരാൾ മരിച്ചു. പുതുക്കുറിച്ചി സ്വദേശി ജോൺ (50) ആണ് മരിച്ചത്. ഇന്ന് പുലർച്ചെ 3.30 ഓടെയാണ് അഴിമുഖത്ത് വള്ളം മറിഞ്ഞ് അപകടം ഉണ്ടായത്.

മത്സ്യബന്ധനത്തിന് പോകവേ അഴിമുഖത്തെ ശക്തമായ തിരയടിയിൽപ്പെട്ടാണ് വള്ളം മറിഞ്ഞത്. ഈ സമയം ആറ് പേരാണ് വള്ളത്തിൽ ഉണ്ടായിരുന്നത്. അഞ്ച് പേർ നീന്തി രക്ഷപ്പെട്ടെങ്കിലും ജോണിനെ കാണാതാവുകയായിരുന്നു.

പിന്നീട് നടത്തിയ തെരച്ചിലിലാണ് ജോണിന്‍റെ മൃതദേഹം കണ്ടെടുത്തത്. ഉടൻ തന്നെ ജോണിനെ ചിറയിൻകീഴ് താലൂക്ക് ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു.