കോഴിക്കോട്: കരുവന്‍തിരുത്തിയിലെ സോഫ നിര്‍മാണ യൂണിറ്റില്‍ തീപിടിത്തം. ആളപായമില്ല. നിരവധി സോഫകളും നിര്‍മാണ സാമഗ്രികളും കത്തിനശിച്ചു. വില്ലേജ് ഓഫിസിന് സമീപമുള്ള ജിയോ സോഫ വര്‍ക്‌സിലാണ് തീപിടിത്തമുണ്ടായത്. ഇന്നലെ (ഓഗസ്റ്റ് 30) വൈകിട്ട് അഞ്ച് മണിയോടെയാണ് സംഭവം.
സോഫ നിര്‍മാണ യൂണിറ്റില്‍ നിന്നും പുക ഉയരുകയായിരുന്നു. ഇത് ശ്രദ്ധയില്‍പ്പെട്ട നാട്ടുകാരെത്തി തീയണക്കാന്‍ ശ്രമം നടത്തി. എന്നാല്‍ ശ്രമം വിഫലമാകുകയായിരുന്നു. തുടര്‍ന്ന് മീഞ്ചന്ത ഫയര്‍ ഫോഴ്‌സില്‍ വിവരം അറിയിക്കുകയായിരുന്നു.