കോട്ടയത്ത് ബലിപെരുന്നാൾ ആഘോഷം (ETV Bharat)
കോട്ടയം:ഇബ്രാഹിം നബിയുടെത്യാഗത്തിന്‍റെയും സഹനത്തിന്‍റെയും സ്‌മരണകളുമായി മുസ്ലിം വിശ്വാസികൾ വലിയ പെരുന്നാൾ ആഘോഷിച്ചു. പെരുന്നാളിനോട് അനുബന്ധിച്ച് പള്ളികളിലും ഈദ് ഗാഹുകളിലും നടന്ന പെരുന്നാൾ നമസ്‌കാരത്തിൽ വിശ്വാസികൾ പങ്കുചേർന്നു. കോട്ടയത്ത് വിവിധ പള്ളികളിലും ഈദ് ഗാഹുകളിലും വിശ്വാസികൾ പെരുന്നാൾ നമസ്‌കാരത്തിൽ പങ്കെടുത്തു.
കോട്ടയം താഴത്തങ്ങാടി ജുമാ മസ്‌ജിദിൽ നടന്ന പ്രാർത്ഥന ചടങ്ങുകൾക്ക് ഇമാം ഷഫീഖ് ഫാളിൽ മാന്നനി മൗലവി നേതൃത്വം നൽകി. അറവുപുഴ മൂഹിയുദ്ദീൻ ജുമാ മസ്‌ജിദിൽ മൗലവി സൽമാൻ മളാഹിരി, തിരുന്നക്കര പുത്തൻ പള്ളി ജുമാ മസ്‌ജിദിൽ ഹാഫിള് കെ എം, താഹാ മൗലവി അൽ ഹസനി, കുമ്മനം ഹനഫി ജുമാ മസ്‌ജിദിൽ മൗലവി മുഹമ്മദ്‌ ഷാഫി, നജ്‌മി അൽ ഖാസിമി എന്നിവർ പെരുന്നാൾ നമസ്‌കാരത്തിന് നേതൃത്വം നൽകി. തിരുന്നക്കര മൈതാനത്ത് മൗലവി ജമാൽ കങ്ങരപ്പള്ളിയാണ് നേതൃത്വം നൽകിയത്.