കോട്ടയം :ഡോ. വന്ദന ദാസിന്‍റെ മരണം സംബന്ധിച്ച് സിബിഐ അന്വേഷണം ഹൈക്കോടതി നിരാകരിച്ച സാഹചര്യത്തില്‍ അപ്പീല്‍ നല്‍കുമെന്ന് വന്ദന ദാസിന്‍റെ പിതാവ് മോഹൻദാസ്. ആക്രമണം നടന്ന് നാലര മണിക്കൂറോളം മകള്‍ക്ക് ചികിത്സ വൈകി. ചികിത്സ നല്‍കുന്നതിനും തുടര്‍ നടപടിക്രമങ്ങളിലും വീഴ്‌ച ഉണ്ടായി.
മകളുടെ മരണത്തില്‍ സംശയമുണ്ട്, ഡിവിഷന്‍ ബെഞ്ചിന് അപ്പീല്‍ നല്‍കും; ഡോ. വന്ദന ദാസിന്‍റെ പിതാവ്
സര്‍ക്കാരിന്‍റെ ഭാഗത്തു നിന്നും നിരവധി അന്വേഷണമാണ് ഇതുമായി ബന്ധപ്പെട്ട് ഉണ്ടായിരുന്നത്. കൊലപാതകത്തിന്‍റെ സത്യാവസ്ഥ മനസിലാക്കുന്നതിന് കേരളത്തിന് പുറത്തുനിന്നുള്ള ഏജന്‍സി അന്വേഷിക്കണം എന്ന് മനസിലാക്കിയാണ് സിബിഐ അന്വേഷണം (Dr Vandana Das murder case CBI probe) ആവശ്യപ്പെട്ടത്. എന്നാല്‍ ഉന്നത പൊലീസ് ഉദ്യോഗസ്ഥര്‍ അടക്കമുള്ളവര്‍ നേരിട്ട് ഹാജരായി അന്വേഷണത്തെ എതിര്‍ക്കുകയായിരുന്നുവെന്നും ഡോ. വന്ദന ദാസിന്‍റെ പിതാവ് മാധ്യമങ്ങളോട് പറഞ്ഞു (Dr. Vandana Das Murder Case)