പള്ളി വികാരി ജേക്കബ് വാട്ടപ്പിള്ളി ഇടിവി ഭാരതിനോട് (ETV Bharat)
ഇടുക്കി:തൊടുപുഴയിലുണ്ടായ മലവെളളപ്പാച്ചിലിൽ കാർ ഒഴുക്കിൽപ്പെട്ടു. ലൂർദ് മാത പള്ളി വികാരി ഫാദർ ജേക്കബ് വാട്ടപ്പിള്ളി സഞ്ചരിച്ച കാറാണ് ഒഴുക്കിൽപ്പെട്ടത്. കാറിന് അകത്തുണ്ടായിരുന്ന വികാരിയെ നാട്ടുകാര്‍ രക്ഷപ്പെടുത്തി.
ഇന്നലെ (ഓഗസ്റ്റ് 16) രാത്രിയാണ് സംഭവം. തൊടുപുഴയിലെ തോടിന് സമീപത്തുള്ള റോഡിലൂടെ സഞ്ചരിക്കുമ്പോഴാണ് പൊടുന്നനെ മലവെള്ളപ്പാച്ചിലുണ്ടായത്. ഇതോടെ നിയന്ത്രണം വിട്ട കാര്‍ തോട്ടിലേക്ക് മറിയുകയും ഒഴുക്കില്‍പ്പെടുകയുമായിരുന്നു. സംഭവത്തെ തുടര്‍ന്ന് നാട്ടുകാരെത്തി വികാരിയെ രക്ഷപ്പെടുത്തുകയും കാര്‍ കരയ്‌ക്കെത്തിക്കുകയും ചെയ്‌തു.