തിരുവനന്തപുരം :വിഴിഞ്ഞം മുക്കോലയില്‍ ഓടിക്കൊണ്ടിരിക്കുന്ന ടിപ്പർ ലോറിയിൽ നിന്ന് കല്ല് തെറിച്ച് വീണ് ബൈക്ക് യാത്രികന്‍ മരിച്ചു. മുക്കോല സ്വദേശി അനന്തു (24) ആണ് മരിച്ചത്. ഇന്ന് രാവിലെ 8 മണിയോടെയായിരുന്നു സംഭവം. അപകടത്തില്‍ ഗുരുതരമായി പരിക്കേറ്റതിനെ തുടർന്ന് നെയ്യാറ്റിന്‍കരയിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് അനന്തുവിന്‍റെ മരണം.
അപകടത്തില്‍ അനന്തുവിന്‍റെ ശ്വാസകോശവും കരളും പൂര്‍ണമായും തകര്‍ന്നിരുന്നു, കൂടാതെ അനന്തുവിന്‍റെ കൈക്കും തലയ്ക്കും ഗുരുതര പരിക്കേറ്റിരുന്നു. ഇതാണ് മരണകാരണമെന്ന് ആശുപത്രി അധികൃതര്‍ അറിയിച്ചു.